Balcans
Los Balcans son una region e una peninsula del sud-èst d'Euròpa. Los estats que compausan los Balcans son Grècia, Albania, Bulgaria, la partida europèa de Turquia, los ancians Estats de Iogoslavia (Bòsnia e Ercegovina, Serbia, Montenegro, Macedònia, Croàcia, Eslovènia) e Romania. Certanas definicions intègran pas Romania dins los Balcans.
![](http://upload.wikimedia.org/wikipedia/commons/thumb/4/4d/Balkans-political-map-small.png/300px-Balkans-political-map-small.png)
![](http://upload.wikimedia.org/wikipedia/commons/thumb/b/b6/Balkan_topo_en.jpg/300px-Balkan_topo_en.jpg)
La superfícia d'aquesta region es de 789 817 km² ; la populacion es de 78 milions d’abitants[1].
Lo gentilici es balcanic -a[2].
Los Balcans devon lor nom a la cadena montanhosa dels monts Balcans (en bulgar la Stara Planina), que va del centre de Bulgaria a l'èst de Serbia, e lo tèrme Balkan es un mot d'origina turca que significa "una cadena de montanhas boscosas e ribassudas".
"Balcans" se ditz aital dins las lengas localas: en romanés Balcani; en eslovèn, bosniac e croat Balkan ; en sèrbe e macedonian Балкан = Balkan ; en bulgar Балкани = Balkani ; en albanés Ballkan ; en grèc Βαλκάνια = Valkania ; en turc Balkanlar.
Nòtas
modificar- ↑ Romania e la Turquia europèa prenon una part de las bèlas dins aquestas chifras.
- ↑ http://toscanoreinat.chez-alice.fr/DICO_AK.pdf