Iliade
L’Iliade (en grégeais antique Ἰλιάς / Iliás, en grégeais moderne Ιλιάδα / Iliáda) est eune épopèye qui fut écrite pa' l'aède légendaire Homère. Chu mot Iliade n'était brin le nom que les Grégeais d'antan soulaient douner à chu poème, mais i' vient de la manie qu'il avaient de raccourchi' le nom complet ἡ Ἰλιὰς ποίησις / hē Iliàs poíēsis en Ἰλιὰς / Iliàs, lequié' derain mot étant le géniti' de Ἴλιον / Ílion, l'aut'e nom grégeais de la chité de Trouée.
L'Iliade est composé de 15 693 hexamèt'es dactyliques et fut de biautemps départagie en quat'e cants, dès les temps antiques. L'Iliade fut de seûr composé ent'e -850 et -750, ch'est-à-savei' quat'e sièc'es amprès la période yoù eut lieu la guerre de Trouée selon les espécialistes. L'Iliade ne fut mins su' papier mais que sous Pisistrate, oû VIe sièc'e avant J.-C. Dans les temps antiques, l'Iliade soulait faire partie d'un chycle épique, le chyc'e trouéyen, mais l'Iliade et l'Odyssèye ne sont mais que les deux seu's textes à n-en avei' sourvécu jusqu'à nos jours.