Stiv kuling
Stiv kuling er vindstyrke 7 i Beaufortskalaen og den midterste av kulingkategoriane. Vindsnøggleiken er 13,9 til 17,1 m/s eller 51-62 km/t for stiv kuling. Den eldre sjønemninga var trereva kuling.
Verknad på land
[endre | endre wikiteksten]Heile tre rører på seg. Det er tungt å gå mot vinden.
Verknad i fjellet
[endre | endre wikiteksten]I motvind må ein lute seg fram over skia og legge stor kraft i stavtaka, sjølv på flat mark. Det kan vere vanskeleg å halde seg på beina i vindkasta. Snøfokk set ned sikta til få hundre meter. Det kan vere vanskeleg å orientere seg i terrenget. Ein skitur i stiv kuling er ein stor påkjenning på dei fleste.
Verknad på sjøen
[endre | endre wikiteksten]Sjøen hopar seg opp til bølgjehøgder på 4,5-5 meter og kvitt skum som dannast frå bølgjetoppane som bryt, byrjar å blese i strimer i vindretninga.
Andre språk
[endre | endre wikiteksten]| Språk | Namn |
|---|---|
| Svensk | Hård vind (på land), styv kuling/kultje (til sjøs) |
| Dansk | Stiv kuling |
| Færøysk | Hvassur vindur |
| Islandsk | Allhvasst |
| Engelsk | High wind, moderate gale eller near gale |
Kjelder
[endre | endre wikiteksten]«stiv_kuling» i Store norske leksikon, snl.no.