Silje Solberg-Østhassel
Silje Solberg-Østhassel | |
Statsborgarskap | Noreg |
Fødd | 16. juni 1990 (34 år) Bærum kommune |
Idrett | handball |
Tok del i | 2012–13 Women's EHF Cup Winners' Cup, Handball under Sommar-OL 2020 – Kvinner |
![](http://upload.wikimedia.org/wikipedia/commons/thumb/1/1e/Silje_Solberg-IPH-TTH-20160403_4.jpg/220px-Silje_Solberg-IPH-TTH-20160403_4.jpg)
Silje Margaretha Solberg-Østhassel (fødd 16. juni 1990) er ein norsk handballspelar frå Bærum som frå hausten 2024 spelar for Vipers. Målvakta har i tida 2014-24 vunne fire EM-gull, to VM-gull og OL-gull 2024 med Noregs landslag. Pr august 2024 har ho delteke i 214 landskampar for Noreg og skåra 9 mål. Kantspelaren Sanna Solberg er tvillingsystera hennar.
Karriere
[endre | endre wikiteksten]Klubbspel
[endre | endre wikiteksten]Solberg spelte i yngre år handball med Jar IL og og Helset IF. I 2010 melde ho overgang til toppserielaget Stabæk IF. Saman med tvillingsystera spelte ho NM-finale 2011, ein kamp der Stabæk som forventa vart for svake mot meisterlaget Larvik HK. Sommaren 2014 flytta ho til Danmark og spelte i to år på topplaget Holstebro. Med Holstebro vann ho i 2015 EHF-pokalen og i 2016 Cupvinnarcupen. Sommaren 2016 gjekk ferda vidare til franske Issy Paris.
Landslagsspel
[endre | endre wikiteksten]Sommaren 2010 vakta Solberg buret då Noreg gjekk heilt til topps i junior-VM. Ho meisterskapsdebuterte på toppnivå då Noreg nådde finalen under EM 2012 i Serbia, ein kamp der Noreg tapte mot Montenegro etter ekstraomgangar. To år seinare vart ho likevel europameister etter norsk finalesiger mot Spania, ein meisterskap der Solberg gjennom glitrande målvaktsspel vart vald til å vere med i den utvalde meisterrekka (All-Star-Team). Året etterpå vann ho og Noreg gull då VM 2015 fann stad i Danmark. Solberg kom ikkje med i OL-troppa til Rio de Janeiro i august 2016, dit Noreg sende målvaktene Kari Aalvik Grimsbø og Katrine Lunde. Til EM 2016 fire månader seinare var det Lunde som vart vraka frå troppa, og Solberg svarte på tilliten med mykje godt målvaktsspel då ho vart europameister for andre gong.
Merittar landslag
[endre | endre wikiteksten]- EM 2012: Sølvmedalje etter 31–34 mot Montenegro
- VM 2013: Nr 5 med Noreg
- EM 2014: Gullmedalje etter 28–25 mot Spania
- VM 2015: Gullmedalje etter 31–23 mot Nederland
- EM 2016: Gullmedalje etter 30–29 mot Nederland
- VM 2017: Sølvmedalje etter 21–23 mot Frankrike
- EM 2018: Nr 5 etter 38–29 mot Sverige
- VM 2019: Nr 4 etter 28–33 mot Russland
- EM 2020: Gullmedalje etter 22–20 mot Frankrike
- OL i 2021: Bronsemedalje etter 36–19 mot Sverige
- VM 2021: Gullmedalje etter 29–22 mot Frankrike
- EM 2022: Gullmedalje etter 27–25 mot Danmark
- VM 2023: Sølvmedalje etter 28–31 mot Frankrike
- OL 2024: Gullmedalje etter 29–21 mot Frankrike
Merittar klubblag
[endre | endre wikiteksten]- Vinnar av EHF-pokalen 2015 med Holstebro
- Vinnar av Cupvinnarcupen 2016 med Holstebro
Kjelder
[endre | endre wikiteksten]- Denne artikkelen bygger på «Silje Solberg» frå Wikipedia på bokmål, den 14. januar 2017.
- Landskampstatistikk til Silje Solberg.
Bakgrunnsstoff
[endre | endre wikiteksten]- Einskildkvinner
- Fødde i 1990
- Norske handballspelarar
- Verdsmeistrar i handball
- Europameistrar i handball
- Spelarar i Handball-EM 2012 for kvinner
- Spelarar i Handball-VM 2013 for kvinner
- Spelarar i Handball-EM 2014 for kvinner
- Spelarar i Handball-VM 2015 for kvinner
- Spelarar i Handball-EM 2016 for kvinner
- Spelarar i Handball-VM 2017 for kvinner
- Spelarar i Handball-EM 2018 for kvinner
- Spelarar i Handball-VM 2019 for kvinner
- Spelarar i Handball-EM 2020 for kvinner
- Olympiske medaljevinnarar i handball
- Olympiske meistrar for Noreg
- Olympiske bronsemedaljevinnarar for Noreg
- Medaljevinnarar under sommar-OL 2020
- Norske deltakarar under sommar-OL 2020
- Handballspelarar under sommar-OL 2020
- Medaljevinnarar under sommar-OL 2024
- Norske deltakarar under sommar-OL 2024
- Handballspelarar under sommar-OL 2024
- Folk frå Bærum