Sheila Young
Sheila Young | |
Statsborgarskap | USA |
Fødd | 14. oktober 1950 (73 år) Birmingham |
Idrett | lengdeløp på skeiser, sykkelsport |
Tok del i | Vinter-OL 1972, Hurtigløp på skøyter under Vinter-OL 1976 – 500 meter kvinner, Hurtigløp på skøyter under Vinter-OL 1976 – 1000 meter damer, Hurtigløp på skøyter under Vinter-OL 1976 – 1500 meter damer |
Utmerkingar | United States Bicycling Hall of Fame, Ladies' Home Journal Women of the Year |
Sheila Grace Young (fødd 14. oktober 1950) er ein USA-amerikansk tidlegare skeiseløpar og syklist, fødd i Birmingham i delstaten Michigan. Ho vart trefaldig sprint-verdsmeister på skeiser i tida 1973-76 og like eins i sykkelsprint i tida 1973-81. Under Vinter-OL 1976 i Innsbruck vart ho olympisk meister på 500 meter.
Aktiv
[endre | endre wikiteksten]Vinteren 1973 vann Young ein suveren siger under sprint-VM på skeiser på Valle-Hovin i Oslo og ho sette i Davos verdsrekord på 500 m med 41,8 sekundar. Vel seks månader seinare tok ho ein ny VM-tittel, då i sprint-sykling på bane i spanske San Sebastian. I februar 1975 sikra Young seg i Göteborg VM-tittel nummer to i sprint-VM, ei veke før ho enda på tredjeplass i firkamp-VM i Assen i Nederland. Under Vinter-OL 1976 i Innsbruck vann ho i løpet av tre dagar sølv på 1500 m, gull på 500 m og bronse på 1000 meter. Sidan i OL-sesongen vart ho nummer tre i firkamp-VM på Gjøvik og der etter sikra ho seg VM-tittel nummer tre på skeiser då sprint-VM fann stad i Vest-Berlin. Gjennom OL-sesongen forbetra ho verdsrekorden på 500 m til fyrst 40,91 sekundar i Davos og så 40,68 i vesttyske Inzell.
![](http://upload.wikimedia.org/wikipedia/commons/thumb/6/6e/Sheila_Young_1974.jpg/220px-Sheila_Young_1974.jpg)
Young satsa frå sommaren 1976 mest på sykling. Hausten 1976 vann ho VM i sprint-sykling i Monteroni di Lecce i Puglia-provinsen i Italia. Fem år etter tok ho VM-tittel nummer tre i sykling på bane i Brno, medan ho i 1982 vart ho slått i finalen av landskvinna Connie Paraskevin då sykkel-VM vart avvikla i Leicester.
Kjelder
[endre | endre wikiteksten]- Denne artikkelen bygger på «Sheila Young» frå Wikipedia på engelsk, den 3. februar 2018.
- Einskildkvinner
- Fødde i 1950
- Skeiseløparar frå USA
- Syklistar frå USA
- Olympiske meistrar for USA
- Olympiske sølvmedaljevinnarar for USA
- Olympiske bronsemedaljevinnarar for USA
- Olympiske meistrar i lengdeløp på skeiser
- Olympiske sølvmedaljevinnarar i lengdeløp på skeiser
- Olympiske bronsemedaljevinnarar i lengdeløp på skeiser
- USA-amerikanske deltakarar under vinter-OL 1972
- Skeiseløparar under vinter-OL 1972
- Medaljevinnarar under vinter-OL 1976
- USA-amerikanske deltakarar under vinter-OL 1976
- Skeiseløparar under vinter-OL 1976