Puget Sound
Puget Sound | |||
fjord | |||
Land | ![]() | ||
---|---|---|---|
Del av | Salishhavet | ||
![]() Puget Sound 47°49′59″N 122°26′06″W / 47.8331°N 122.435°W | |||
Wikimedia Commons: Puget Sound |
Puget Sound er ein fjord i staten Washington ved nordvestkysten av USA. Han er del av den langt større Salish Sea i Stillehavet, som dannar den amerikanske grensa mot Canada. Puget Sound har ei lengd på 160 km, og dermed ein av dei lengste fjordane i verda.[1]
Geografi
[endre | endre wikiteksten]![](http://upload.wikimedia.org/wikipedia/commons/thumb/e/ea/Map_pugetsound.png/220px-Map_pugetsound.png)
![](http://upload.wikimedia.org/wikipedia/commons/thumb/e/e0/Mt_Rainier_distant-600px.jpg/220px-Mt_Rainier_distant-600px.jpg)
Puget Sound består av i alt fem basseng: Admiralty Inlet, Hood Canal, Whidbey Basin, Sentral Basin (eller Main Basin) og South Basin.
Transport
[endre | endre wikiteksten]Hamnebyen Seattle er den største byen i delstaten Washington og ligg ved Elliott Bay, ei større bukt i Puget Sound. Blant anna derfor er det stor skipstrafikk på Puget Sound, med transport av både gods og passasjerar. Den lokale skipstrafikken går til mange små øyar og halvøyar i fjorden.
I alt tre bruer kryssar Puget Sound. Deception Pass Bridge i det aller nordlegaste av Whidbey Basin bind saman Fidalgo Island og Whidbey Island. Hood Canal Bridge bind saman Kitsap-halvøya med Olympic-halvøya. Tacoma Narrows Bridge bind saman byen Tacoma med Kitsap-halvøya i sør.
Natur
[endre | endre wikiteksten]Både Puget Sound og Lake Washington austom Seattle har eit rikt fugleliv. Her kan ein blant anna oppleva havørner (seahawks), som har gjeve namn til den amerikanske fotballklubben Seattle Seahawks. Det blir arrangert kvalsafari fleire stader i fjorden.
Kjelder
[endre | endre wikiteksten]- ↑ «Puget Sound». Store norske leksikon (på norsk bokmål). 18. september 2018.
- Denne artikkelen bygger på «Puget Sound» frå Wikipedia på dansk, den 19. juni 2021.