Orléans

Orléans
Byvåpenet til Orléans
Styresmakter
Land Region Departement	Frankrike Centre Loiret
Geografi
Flatevidd	27,48 km²
Flatevidd  - By	27,48 km²
Innbyggjarar  - By (1999)    - folketettleik	113 126   4 117/km²
Koordinatar	47°54′11″N 01°54′18″E
Høgd over havet	116 m
Diverse anna
Heimeside: https://www.orleans-metropole.fr
Nettstad: www.orleans.fr
Plassering

Orléans er ein by sentralt i nordlege delar av Frankrike, om lag 130 km sørvest for Paris. Han ligg ved elva Loire der ho vender sørover mot Massif Central.

Byen har om lag 115 000 innbyggjarar. Han er prefecture (hovudstad) i departementet Loiret og hovudstad i regionen Centre.

Historie

Orléans vart grunnlagd som ein gallisk bystat av den keltiske stamma Carnutes kalla Cenabum. Han vart grunnlagd på ny i 275 av den romerske keisaren Aurelian som gav han namnet Aurelianum etter seg sjølv. I 451 prøvde Attila å erobre og plyndre byen, men vart drive vekk av ein hær kommandert av Theodoric, konge av vestgotarane, og den romerske generalen Aëtius i siste augneblikk.

Han var hovudstad for den merovingiske kongen Clodomir (Clodmer) frå 511 til 524, i det som seinare vart kjend som kongedømet Burgund.

Omleiringa av Orléans i 1428-1429 markerte vendepunktet i Hundreårskrigen. Jeanne d'Arc fekk omdømet sitt her då ho fjerna omleiringa berre ni dagar etter at ho kom dit.

Ymse

New Orleans (opphavleg La Nouvelle-Orléans) er kalla opp etter byen Orléans.

Bakgrunnsstoff

Wikimedia Commons har multimedia som gjeld: Orléans