Oddbjørn Hågård
| Oddbjørn Hågård | |
 | |
| Statsborgarskap | Noreg |
| Fødd | 14. juli 1940 |
| Død |
20. februar 2013 (72 år) |
| Yrke | bonde, agronom, politikar |
| Språk | norsk |
| Politisk parti | Senterpartiet |
Oddbjørn Hågård (14. juli 1940–20. februar 2013) var ein norsk gardbrukar og politikar frå Ørland i Sør-Trøndelag som representerte Senterpartiet på Stortinget 1985-89.
Hågård gjekk handelsskule, landbruksskule og tok artiumkurs før han studerte til sivilagronom ved Norges Landbrukshøgskule i åra fram til 1966. Etter å ha vore lærar i to år, fekk han i 1968 stillinga som heradsagronom i Åfjord. Fire år seinare, 1972, hadde han same stillinga i Røros. Sidan var han husdyrkonsulent i kommunane Ørland og Bjugn 1974-80 og deretter heradsagronom i Ørland 1980-94, permittert den tida han var stortingsrepresentant. Hågård var frå 1970-åra brukar av garden Vestgård i Ørland.
Hågård engasjerte seg politisk for Senterpartiet og vart vald til kommunestyremedlem i Åfjord i 1971. Ved det neste kommunevalet stilte han til val i Ørland. Her vart han vald til ordførar, eit ombod han hadde åtte år 1976-83. Etter å ha hatt varamannsplass til Stortinget i fire år, vart Hågard vald til å representere Sør-Trøndelag og Senterpartiet perioden 1985–89. Han hadde sete i Landbrukskomitéen.