Maksim Maksimov
Maksim Maksimov | |
Fødenamn | Максим Геннадьевич Максимов |
Statsborgarskap | Russland |
Fødd | 6. september 1979 (45 år) Izjevsk |
Idrett | skiskyting |
Tok del i | VM i skiskyting 2008, Biathlon World Championships 2011 – men's individual |
Maksim Gennadjevitsj Maksimov (fødd 6. september 1979) er ein russisk tidlegare skiskyttar frå Izjevsk i Udmurtia.
Maksimov høyrde til mellom dei fremste russiske skiskyttarane i åra 2008-11. Berre nokre få gongar hevda han seg i toppen internasjonalt, men då til gjengjeld i viktige tevlingar. Under VM i skiskyting 2008 i Östersund overraska han stort då han med prikkfri skyting tok bronsemedaljen på 20 km, bakom verdsmeister Emil Hegle Svendsen og Ole Einar Bjørndalen. Også i fellestarten tre dagar seinare trefte han dei 20 blinkane, men måtte nøye seg med fjerdeplassen.
Tre år seinare vann Maksimov sølvmedaljen på 20 km under VM i skiskyting 2011 i Khanty-Mansijsk. 20 treff heldt til å slå alle, unnateke norske Tarjei Bø. Seinare i meisterskapen gjekk han tredje etappe for Russlands sølvlag i 4 x 7,5 km stafett, dei andre på laget var Anton Sjipulin, Jevgenij Ustjugov og Ivan Tsjerezov.
Kjelder
[endre | endre wikiteksten]- Denne artikkelen bygger på «Maxim Gennadjewitsch Maximow» frå Wikipedia på tysk, den 7. februar 2016.