Knut Frydenlund

Knut Frydenlund
	Knut Frydenlund
	; Knut Frydenlund i 1981 Foto: Hans van Dijk/Anefo
Fødd	31. mars 1927; Drammen kommune
Død	26. februar 1987 (59 år)
Statsborgar av	Noreg
Parti	Arbeidarpartiet
Yrke	politikar, skribent, diplomat, jurist
Utdanna ved	Universitetet i Oslo
Medlem	Europarådets parlamentarikerforsamling
Alle verv	stortingsrepresentant (1969–1973); Norsk utanriksminister (1973–1981); Norsk utanriksminister (1986–1987); medlem av Europarådets parlamentarikerforsamling (1970–1973); medlem av Europarådets parlamentarikerforsamling (1981–1985); stortingsrepresentant (1973–1977); stortingsrepresentant (1977–1981); stortingsrepresentant (1981–1985); stortingsrepresentant (1985–1987) ;

Knut Olav Frydenlund (31. mars 1927–26. februar 1987), fødd i Drammen, var ein norsk politikar frå Arbeidarpartiet. Han gav også ut ei rekkje bøker. Frydenlund var tilsett i utanrikstenesta frå 1953. Han var stortingsrepresentant frå 1969, og utanriksminister i Trygve Bratteli si andre regjering, Odvar Nordli si regjering og Gro Harlem Brundtland si første regjering, frå 1973-1981 og i Gro Harlem Brundtland si andre regjering frå 1986-1987. Frydenlund er etter Halvard Lange den norske utanriksministeren som har sete lengst. Han var ein sterk forkjempar for norsk EF-medlemskap i 1972.

Frydenlund hadde ein høgt utvikla humoristisk sans og blei ofte omtala som «det gode mennesket frå Drammen». Han døydde plutseleg av hjerneblødning på Ullevål sjukehus i Oslo i byrjinga på den andre perioden som utanriksminister, nær 60 år gammal. Han blei gravlagd frå Oslo domkyrkje den 6. mars, til stor deltaking frå både det offisielle Noreg og publikum.

Bibliografi

Knut Frydenlund: «Politisk samarbeid i Vest-Europa», 1962
Knut Frydenlund: «Norsk utenrikspolitikk i etterkrigstidens internasjonale samarbeid», Tidens ekko-bøkene;2, 147 s., Norsk utenrikspolitisk institutt, 1966.
Knut Frydenlund: «Norge og det europeiske fellesskap», 1967
Knut Frydenlund: «Nato og Norge etter 25 år», 1974
Knut Frydenlund: «Fredelig og balansert utvikling i Arktis : viktig mål for norsk utenrikspolitikk», Nordisk Kontakt, No.14, 1974.
Knut Frydenlund: «Utviklingen i forholdet øst/vest», 1976
Knut Frydenlund: «Norsk sikkerhetspolitikk i 1980-årene», 1981
Knut Frydenlund: «Lille land - hva nå? : refleksjoner om Norges utenrikspolitiske situasjon», 213 s., Universitetsforlaget, 1982, ISBN 82-00-06197-3 (ib.)
Knut Frydenlund: «The future of East-West relations», 1986
Knut Frydenlund: «En bedre organisert verden», 316 sider, Tiden, Oslo, 1987.

Bakgrunnsstoff

Knut Frydenlund hos Stortinget
Knut Frydenlund i Norsk biografisk leksikon