Jan Tore Sanner
Jan Tore Sanner | |||
![]() Jan Tore Sanner Foto: Kjetil Ree | |||
Fødd | 6. mai 1965 (59 år) Bærum kommune | ||
---|---|---|---|
Statsborgar av | Noreg | ||
Parti | Høgre | ||
Yrke | politikar, handelsskulekandidat | ||
Utdanna ved | Handelshøyskolen BI | ||
Far | Tore Sanner | ||
Ektefelle | Solveig Barstad | ||
Barn | Maria Barstad Sanner, Sigrid Barstad Sanner | ||
Verv | Norsk finansminister 24. januar 2020–14. oktober 2021 | ||
Føregangar | Siv Jensen | ||
Etterfylgjar | Trygve Slagsvold Vedum | ||
Verv | Norsk kunnskaps- og integreringsminister 17. januar 2018– 24. januar 2020 | ||
Føregangar | Torbjørn Røe Isaksen | ||
Etterfylgjar | Trine Skei Grande | ||
Verv | Norsk kommunal- og moderniseringsminister 16. oktober 2013–17. januar 2018 | ||
Føregangar | Liv Signe Navarsete | ||
Etterfylgjar | Monica Mæland | ||
Verv | 1. nestleiar i Høgre 27. april 2008– | ||
Føregangar | Per-Kristian Foss | ||
Verv | 2. nestleiar i Høgre 9. mai 2004–27. april 2008 | ||
Føregangar | Per-Kristian Foss | ||
Etterfylgjar | Erling Lae | ||
Alle verv |
|
Jan Tore Sanner (fødd 6. mai 1965) er ein norsk politikar frå Høgre. Han var kommunal- og moderniseringsminister i regjeringa Solberg frå 2013 til 2018, og kunnskaps- og integreringsminister frå 2018 til 2020.[1] Frå 2020 til 2021 var han finansminister.
Han har vore 1. nestleiar i Høgre sidan 2008, og var 2. nestleiar frå 2004. Sanner har vore vald inn på Stortinget for Akershus fylke sidan 1993, og møtte som vararepresentant for Kaci Kullmann Five frå 1989 til 1990. Sidan 2005 har han vore medlem i Stortingets valkomité og 2. nestleiar i Stortingets finanskomité. Sanner er Høgres talsmann for økonomi og næringsliv. Han var styreformann ved Henie Onstad Kunstsenter frå 2000 til 2002, og har delteke i ei rekkje offentlege utval.
Bakgrunn
[endre | endre wikiteksten]Sanner vart fødd i Bærum i Akershus i 1965, som son av Tore Sanner (fødd 1935) og barnevernskonsulenten Nina Bülow-Nielsen (fødd 1937). Han var varamedlem av Bærum kommunestyre frå 1983 til 1989, og han har examen artium frå 1984, eksamen innan leiing av marknadsføring ved Handelshøyskolen BI frå 1987. Han har også eksamenar innan marknadskommunikasjon grunnfag ved Westerdals reklameskole frå 1989, og marknadsøkonomi ved Norges Markedshøyskole frå 1994.
Sanner er gift med journalisten Solveig Barstad, kjend som programleiar for TV 2 hjelper deg og God morgen, Norge!.
Sanner vart tildelt Dysleksiprisen av Telemark fylkeslag av Dysleksiforbundet i 1997.
Politisk arbeid
[endre | endre wikiteksten]Han var valkampsekretær for Bærum Høgre i forkant av stortingsvalet 1985, og var formann i Bærum Unge Høgre frå 1985 til 1986. Politisk sekretær i Unge Høgre frå 1986 til 1987, og formann i Akershus Unge Høgre frå 1987 til 1988. I 1988 vart han vald til nestleiar i Unge Høgre, og var seinare leiar i to periodar frå 1990 til 1994. Medlem av sentralstyret til Høgre frå 1988 til 1994, og arbeidsutvalet frå 1990 til 1994.
Sanner var 1. vararepresentant til Stortinget frå 1989, og møtte på Stortinget for Kaci Kullmann Five frå 1989 til 1990. Han sat då i Stortingets forbrukar- og administrasjonskomité. I 1993 vart han vald inn på eige mandat, og vart medlem i Kyrkje-, utdannings- og forskingskomiteen. Frå 1997 til 2001 var han nestleiar i Energi- og miljøkomiteen, og medlem i Den utvida utanrikskomiteen, Finanskomiteen og Valkomiteen frå 2001 til 2005. Sidan 2005 har han vore 2. nestleiar i Finanskomiteen og medlem i Valkomiteen.
Sanner var formann i Bærum Høgre frå 1998 til 2000, og leiar i Akerhus Høgre frå 2001 til 2005. Ved landmøtet til Høgre i 2004 vart han vald til 2. nestleiar av partiet etter Per-Kristian Foss, som samtidig vart vald til 1. nestleiar. Sanner vart vald på nytt i 2006, og vart vald til 1. nestleiar etter Foss i 2008. Sanner har vore nestleiar i gruppestyret til Høgre på Stortinget sidan 2001, og leidde programkomiteen som la fram forslag til programet til Høgre under stortingsvalet for perioden 2005–2009, og var medlem i same komité for perioden 2001–2005.
Stortingskomitear
[endre | endre wikiteksten]- 2009–2013 2. nestleiar i Finanskomiteen
- 2005–2009 2. nestleiar i Finanskomiteen
- 2005–2009 medlem i Valkomiteen
- 2001–2005 medlem i Finanskomiteen
- 2001–2005 medlem i Den utvida utanrikskomiteen
- 2001–2005 medlem i Valkomiteen
- 1997–2001 nestleder i Energi- og miljøkomiteen
- 1993–1997 medlem i Kyrkje-, utdannings- og forskingskomiteen
- 1989–1990 medlem i Forbrukar- og administrasjonskomiteen
Kjelder
[endre | endre wikiteksten]- ↑ «Endringer i regjeringen». Regjeringa.no. 17. januar 2018. Henta 19. januar 2018.
Bakgrunnsstoff
[endre | endre wikiteksten]- Jan Tore Sanner Arkivert 2010-05-15 ved Wayback Machine. hos Høgre
- «Jan Tore Sanner» i Store Norske Leksikon
- Bloggen til Jan Tore Sanner Arkivert 2019-08-07 ved Wayback Machine.
- Einskildmenn
- Fødde i 1965
- Norske finansministrar
- Norske kommunalministrar
- Norske kunnskapsministrar
- Statsrådar i Regjeringa Solberg
- Høgrestatsrådar
- Stortingsrepresentantar 1993-1997
- Stortingsrepresentantar 1997-2001
- Stortingsrepresentantar 2001-2005
- Stortingsrepresentantar 2005-2009
- Stortingsrepresentantar 2009-2013
- Stortingsrepresentantar 2013-2017
- Stortingsrepresentantar 2017-2021
- Stortingsrepresentantar 2021-2025
- Stortingsrepresentantar frå Høgre
- Stortingsrepresentantar for Akershus
- Leiarar i Unge Høgre
- Folk frå Bærum