Hólladning

Hólladinga sin verkemåte

Snitt gjennom hólladning. Det gule området er sprengstoff

Ei hólladning er ei sprenglading som er forma slik at energien vert fokusert. Ulike typar vert brukt for å forma metall, atomvåpen og trenga gjennom panser. Ei typisk moderne hóllading kan trenga gjennom panserstål til omtrent 7 gonger diameteren til ladninga.

Ei typisk hólladning er laga av ein massiv sylinder av sprengstoff med ei konisk hóllading i den eine enden. Dette holrommet er belagt med eit tett, formbart metall som til dømes kopar. Når ladninga vert detonert frå den andre enden, vert koparen projisert ut i ein tynn,  flytande stråle med ein toppfart opp til 12 km/s. Trykket som vert skapt tvingar metallet som vert treft til å gje seg og vert pressa unna i ein hydrodynamisk respons.

Avstanden mellom materialet som skal penetrerast og metallkonusen av kopar kallast standoff. Denne avstanden trengst for at jetstrålen skal rekkja å strekkja seg ut for å gje best mogleg inntrengningsevne. Den optimale avstanden er vanlegvis ein avstand som er 3-6 gonger diameteren til ladninga (kaliber).

Holladningsprinsippet vart utnytta til panservernsvåpen først under andre verdskrigen, i den tyske invasjonen av Belgia i 1940. Mot slutten av krigen brukte òg andre land prinsippet i nokre av sine panservåpen.

Motmiddelet mot holladningsgranater er reaktivt panser.

Kjelder

• Denne artikkelen bygger på «Hulladning» frå Wikipedia på bokmål, den 26. desember 2017.

Bakgrunnsstoff

• Utviklinga av holladninga (engelsk)