Enontekiö

Enontekiö (finsk) Eanodat (nordsamisk)
kommune
Våpenskjold
Land	Finland
Fylke	Lappi
Areal	8 463,59 km²
Folketal	2 000  (31.12.2005)
Grunnlagd	1877
Ordførar	Pentti Keskitalo, rådmann Aarne Kultima, kommunestyre
Postnummer	99300-99490
Retningsnummer	016
Språk	Finsk og nordsamisk
Enontekiö 68.384722222222°N 23.638888888889°E / 68.384722222222; 23.638888888889
Kart som viser Enontekiö. Kart som viser Enontekiö.
Wikimedia Commons: Enontekiö

Enontekiö (nordsamisk Eanodat, enaresamisk Iänudâh, svensk Enontekis) er ein kommune i Lapplands län i Finland. Kommunen er tospråkleg med finsk som majoritetsspråk og nordsamisk som minoritetsspråk.

Kommunen er forma som ein slags arm som strekkjer seg nordvestover frå resten av Finland. Han grensar til Sverige (Kiruna) i sørvest og Noreg (Storfjord, Kåfjord og Kautokeino) i nord og nordaust. Det er her grensene mellom dei tre landa Finland, Sverige og Noreg møtast.

Administrasjonsstad og største tettstad er Hetta (nords. Heahttá, d.s. som det vanlege nords. etternamnet Hætta) som har om lag 800 innbyggjarar. Den nordvestlegaste tettstaden i Finland, Kilpisjärvi, ligg like ved norskegrensa. På grunn av prisskilnaden mellom Noreg og Finland kjem mange nordmenn hit for å handla. Kaaresuvanto er ein annan viktig tettstad som ligg like ved grensa til Sverige.

Kommunen husar både det høgaste fjellet i Finland, Haltiatunturi (nordsamisk Hálddičohkka), på 1 328 m, og den største fossen i landet, Pihtsusköngäs.

Enontekiö vart skapt i 1747 då han vart skild frå soknet Jukkasjärvi. Under freden i Fredrikshamn i 1809 vart han delt i den noverande finske kommunen aust for elvane Muonionjoki og Torneelva, og den svenske kommunen Karesuando som i dag er ein del av Kiruna.

Kjende folk frå Enontekiö

• Yrjö Kokko (1903–1977), forfattar.
• Nils-Aslak Valkeapää (1943–2001), diktar.

Bakgrunnsstoff

Commons har multimedium som gjeld: Enontekiö

• Offisiell nettstad