Einar Liberg

Einar Liberg
Statsborgarskap	Noreg
Fødd	16. oktober 1873 Elverum kommune
Død	11. september 1955 (81 år) Oslo
Idrett	skytesport
Tok del i	shooting at the 1920 Summer Olympics – men's 100 metre team running deer, single shots, shooting at the 1924 Summer Olympics – men's 100 metre team running deer, single shots, shooting at the 1920 Summer Olympics – men's 100 metre running deer, double shots, shooting at the 1920 Summer Olympics – men's 100 metre team running deer, double shots, shooting at the 1924 Summer Olympics – men's 100 metre team running deer, double shots, shooting at the 1908 Summer Olympics – men's 300 metre free rifle, team, Skyting under Sommer-OL 1912 – Armégevær, lag

Einar Liberg (16. oktober 1873–11. september 1955) var ein norsk lærar og rifleskyttar som vann medaljar i fire olympiske sommarleikar på rad i tida 1908-24. Liberg sikra seg i denne perioden til saman fire olympiske gull, to sølv og ein bronse.

Karriere

Liberg, som var fødd i Elverum, var det meste av livet folkeskulelærar i Oslo. Han var ein framifrå skyttar, og under sommarleikane 1908 i London var han med på å sikre Noreg gull i lagskyting med rifle. Fire år seinare fekk han sølv i same øvinga då Sommar-OL 1912 fann stad i Stockholm.

Etter fyrste verdskrigen var over, deltok Liberg i viltmålskyting, såkalla springande hjort. Under dei olympiske leikane 1920 i Antwerpen, sopa han med seg laggull i springande hjort, både i enkeltskot og dobbeltskot, og han fekk bronsemedalje individuelt i springande hjort med dobbeltskot. Liberg avslutta ei fabelaktig olympisk karriere med nye medaljar under OL i Paris i 1924. Her vann han gull i lagskyting på springande hjort med enkeltskot og sølv i lagskyting på springande hjort med dobbeltskot.

OL-medaljar

• 1908 Storbritannia London - Gull i skyting, 300 meter rifle, 3 stillingar, lagskyting (Noreg)
• 1912 Sverige Stockholm - Sølv i skyting, frigevær lagskyting (Noreg)
• 1920 Belgia Antwerpen - Gull i skyting, springande hjort enkeltskot, lagskyting (Noreg)
• 1920 Belgia Antwerpen - Gull i skyting, springande hjort dobbeltskot, lagskyting (Noreg)
• 1920 Belgia Antwerpen - Bronse i skyting, springande hjort dobbeltskot
• 1924 Frankrike Paris - Gull i skyting, springande hjort enkeltskot, lagskyting (Noreg)
• 1924 Frankrike Paris - Sølv i skyting, springande hjort dobbeltskot, lagskyting (Noreg)

Kjelder

• Denne artikkelen bygger på «Einar Liberg» frå Wikipedia på bokmål, den 25. mars 2017.