Dongeri
![](http://upload.wikimedia.org/wikipedia/commons/thumb/c/c9/Denim.jpg/220px-Denim.jpg)
![](http://upload.wikimedia.org/wikipedia/commons/thumb/0/0b/Bib-brace.jpg/220px-Bib-brace.jpg)
Dongeri, olastoff eller denim er eit sterkt, indigoblått bomullstøy. Det vert nytta i slitesterke fritids- og arbeidsklede, særleg bukser. Ordet dongeri kan òg visa til olabukser eller jeans.
Etymologi
[endre | endre wikiteksten]Ordet dongeri kjem frå engelsk dungaree som er lånt frå hindi etter staden i India der stoffet vart vove, eventuelt etter nemninga på hindi for denne typen vove, kraftig bomullsstoff.[1] Stoffet vert òg kalla denim etter den franske nemninga serge de Nîmes, som tyder «stoffar frå (byen) Nîmes».[2]
På norsk vart ordet tidlegare òg skrive «dongery».[3]
Soge
[endre | endre wikiteksten]Dongeri er opphavleg frå India, der det vart nytta til segl og til klede for dei fattige.[4] I Vesten vart det utbreidd mellom anna via kledehandlaren Levi Strauss som selde bukser av dongeri til gruvearbeidarar under gullrushet i California i 1850. Dette la grunnlaget for det kjente olabuksemerket Levi's.[5]
Dongeritøy
[endre | endre wikiteksten]Dongeri kan brukast som stoff til mange typar plagg: bukser, jakker, skjorter og skjørt er vanleg, men òg kjolar, barnetøy og vesker vert laga. Originalfargen er beige, men i dag vert dongeritøy léta hovudsakleg i blått, men førekjem òg i andre leter.
Sjå òg
[endre | endre wikiteksten]Kjelder
[endre | endre wikiteksten]- ↑ «Dungarees & Jeans « The Word Detective» (på engelsk). Henta 9. september 2017.
- ↑ «denim» i Det Norske Akademis ordbok
- ↑ «Norske og amerikanske Dongeryklær (annonse)». Bratsberg-Demokraten. 24. oktober 1919. Henta 29. september 2020.
- ↑ dongeri i Store norske leksikon på snl.no. Henta 11. april 2023.
- ↑ «Levi Strauss & Co..» (på engelsk). Encyclopedia Britannica. Henta 11. april 2023.
- Denne artikkelen bygger på «Dongeri» frå Wikipedia på bokmål, den 11. april 2023.