Dhurma
Dhruma | |||
ضرما | |||
by | |||
Land | ![]() | ||
---|---|---|---|
Region | Riyadh-provinsen | ||
Koordinatar | 24°36′N 46°08′E / 24.600°N 46.133°E | ||
Folketal | 10 267 (2004) | ||
Folketettleik | 10 267 / km² | ||
Tidssone | EAT (UTC+3) | ||
- Sommartid | EAT (UTC+3) | ||
![]() Dhurma 24°37′02″N 46°13′32″E / 24.617261°N 46.2255788°E | |||
Wikimedia Commons: Dhurma |
Dhurma eller Darma (arabisk ضرما) er ein liten by 73 km med bil nordvest for Riyadh i Saudi-Arabia.[1] Han er senteret i det vesle Dhruma guvernement i Riyadh-provinsen, og hadde 10 267 innbyggjarar i folketeljinga i 2004. [2] Han ligg i den vide Al-Batin-dalen, der òg den større byen Muzahmiyya ligg.
Historie
[endre | endre wikiteksten]Byen er nemnt i eit dikt på 600-talet av Jarir som «Qarma» eller «Garma», og er òg nemnt med same namn i leksikonet til Yaqut. Det er ukjend når namnet «Dhruma» kom i bruk. Landsbyen var viktig før 1900-talet i Nejd som ein vestleg innfallsport til regionen Wadi Hanifa, som omfattar Riyadh og Diriyah, og tok ofte hovudtyngda av militærtokt som var retta mot regionen. Dei tradisjonelle herskarane var fjerne slektningar av Al Saud-familien, og Dhruma slo seg saman med Den første saudiarabiske staten på slutten av 1700-talet. Ein stor invasjon av saudi-styrte territorium av Yam-stamma frå Najran, kring 1000 km mot sør, vart driven attende av folket i Dhruma i 1775, etter eit intenst slag i ein nærliggande palmeskog.
Seinare kringsette egyptisk-osmanske styrkar leia av Ibrahim Pasja byen på veg til den saudiske hovudstaden Diriyah. Dhruma gav dei god motstand og avslo tilbodet til Ibrahim om ein våpenkvile i byte mot at han fekk lov å dra vidare til Diriyah. Byen overgav seg tidleg i 1818 og straffa til Ibrahim var særleg hard, og han let soldatane sine plyndre landsbyen. Byen kom seg noko etter denne hendinga og hadde nesten 6 000 innbyggjarar i 1917. Etter at hovudvegen mellom Riyadh og Mekka vart lagt utanom Dhurma, har det gått nedover med byen og mange av innbyggjarane har flytta til Riyadh.
Kjelder
[endre | endre wikiteksten]- ↑ Maps (Map). Google Maps.
- ↑ «Saudi-Arabia: largest cities and towns and statistics of their population». World Gazetteer. Arkivert frå originalen 8. desember 2011. Henta 21. mai 2016.
- Denne artikkelen bygger på «Dhurma» frå Wikipedia på engelsk, den 26. mai 2016.
- Wikipedia på engelsk oppgav desse kjeldene:
- Yaqut Al-Hamawi, Mu'jam Al-Buldan
- Ibn Ghannam, Rawdhat Al-Afkar wal Afham (a history of Nejd)
- Philby, St. John B., The Heart of Arabia: A Record of Travel & Exploration, Vol. 1, p. 126, G.P. Putnam's Sons, NY and London, 1923.