Ben Dolic
| Ben Dolic | |||
 | |||
| Fødd | 4. mai 1997 (27 år) | ||
|---|---|---|---|
| Fødestad | Ljubljana | ||
| Fødenamn | Benjamin Dolić | ||
| Opphav | Slovenia | ||
| Aktiv | 2016– | ||
| Sjanger | pop | ||
| Plateselskap | Universal Music Group | ||
| Verka som | songar | ||
Benjamin Dolić (fødd 4. mai 1997), kjend som Ben Dolic, er ein slovensk[1] songar. Han oppnådde popularitet i Tyskland etter å ha kome på andreplass i The Voice of Germany i 2018. Dolic skulle representere Tyskland i Eurovision Song Contest 2020 i Rotterdam i Nederland med songen «Violent Thing», men tevlinga vart avlyst på grunn av koronaviruspandemien i Europa vinteren 2020.[2][3]
Bakgrunn
[endre | endre wikiteksten]Dolić vart fødd og vaks opp i den slovenske hovudstaden Ljubljana. Som tolvåring deltok han i Slovenija ima talent, den slovenske versjonen tilsvarande Norske talenter, og han nådde semifinalen.[1] På vidaregåande skule var han del av gruppa D Base som deltok i songtevlinga EMA 2016, den slovenske versjonen tilsvarande norske Melodi Grand Prix.[1] Deira bidrag, «Spet živ» vart slått ut i første runde av finalen.
Då Dolić var 18 år, flytta han og familien til Sveits, der han lærte tysk og utvikla songkarrieren sin.[4] Seinare flytta han til Berlin, og i 2018 deltok han i den åttande sesongen av The Voice of Germany. Han enda til slutt på ein andreplass og turnerte sidan rundt i Tyskland og Austerrike.
Eurovision Song Contest
[endre | endre wikiteksten]27. februar 2020 kunngjorde den tyske kringkastaren ARD at Dolić var vald internt til å representere Tyskland i Eurovision Song Contest 2020 i Rotterdam i Nederland med songen «Violent Thing».[2] Som eit av dei fem store landa i Eurovision Song Contest, var Tyskland direktekvalifisert til finalen laurdag 16. mai 2020.
Avlysinga
[endre | endre wikiteksten]På grunn av koronavirusutbrotet i Europa vinteren 2020 såg EBU seg nøydd til å avlysa Eurovision Song Contest for å hindre spreiing av koronaviruset SARS-CoV-2 og den medfølgjande sjukdomen COVID-19.[5]
Diskografi
[endre | endre wikiteksten]Singlar
[endre | endre wikiteksten]| Tittel | År | Album |
|---|---|---|
| «Violent Thing» | 2020 | Ikkje frå album |
| «Stuck in My Mind» | 2021 |
Referansar
[endre | endre wikiteksten]- ↑ 1,0 1,1 1,2 «Nemčijo bo na Evroviziji predstavljal Slovenec Benjamin Dolić» (på slovensk). 28. februar 2020. Henta 28. februar 2020.
- ↑ 2,0 2,1 Rahn, Florian (27. februar 2020). «Ben Dolic will sing "Violent Thing" for Germany at Eurovision 2020» (på engelsk). Henta 27. februar 2020.
- ↑ Granger, Anthony (20. mars 2020). «Belgium: Hooverphonic Will Compete At Eurovision 2021» (på engelsk). Henta 20. mars 2020.
- ↑ «Ben Dolic to Rotterdam for Germany with 'Violent Thing'». eurovision.tv. 27. februar 2020. Henta 29. februar 2020.
- ↑ Svendsen, Maiken (18. mars 2020). «Eurovision Song Contest avlyst» (på norsk bokmål). Henta 20. mars 2020.
- Denne artikkelen bygger på «Ben Dolic» frå Wikipedia på bokmål, den 5. desember 2021.