Tuk-tuk
Tuk-tuk eller autorickshaw er ein motorisert rickshaw som er ei utbreidd form for transport i fleire land i Asia og Afrika. Tuk-tuken består av ei metallramme av stål eller støypejarn[1] på tre små hjul (eitt framme og to bak), eit sete for sjåføren framme og eit sete for tre passasjerar bak.
Ein tuk-tuk er normalt utstyrt med ein motorsykkelversjon av ein to-taktars motor med same styret som på ein motorsykkel. Transportmiddelet har fått namnet sitt etter den karakteristiske lyden motoren lagar. Tuk-tuk er eit effektivt transportmiddel, særleg i tung trafikk.
Ein tuk-tuk er å sjå i filmen The Beach med Leonardo DiCaprio. Ong Bak med Tony Jaa har ei biljakt-scene med fleire tuk-tukar. Tuk-tukar har også ei rolle i Playstation 2-spelet Stuntman. Under finalen i Miss Universe 2005 i Bangkok vart Nancy O'Dell frakta på scena i ein tuk-tuk.
Kjelder
[endre | endre wikiteksten]- ↑ «Bajaj Rickshaw Body Parts Exporter and Manufacturer at lowest Price in Gujarat». Henta 23. oktober 2022.
