Arne Haukvik
| Arne Haukvik | |||
.jpg) | |||
| Fødd | 12. februar 1926 Sauherad | ||
|---|---|---|---|
| Død | 21. august 2002 (76 år) | ||
| Statsborgar av | Noreg | ||
| Parti | Senterpartiet, Pensjonistpartiet (1997) | ||
| Yrke | politikar | ||
| Utdanna ved | Folkehøgskule | ||
| Alle verv |
| ||
Arne Haukvik (fødd 12. februar 1926 i Sauherad, død 21. august 2002 på Furuset sykehjem) var ein norsk politikar og friidrettsentusiast. Arne Haukvik var ein av hovuddrivkreftene bak den årvisse idrettstevlinga Bislett Games i Oslo. Han vart gjerne kalla «Mannen med stråhatten».
Som politikar representerte Arne Haukvik Senterpartiet, både i Oslo bystyre (1968-1979 og 1992-1995) og som stortingsrepresentant på 1990-talet. Etter 1997, då han ikkje vart nominert av Senterpartiet, gjekk han over til Pensjonistpartiet.
Haukvik hadde ei rekkje verv innan både idrett og politikk. Han var i mange år manager for den australske langdistanseløparen Ron Clarke som Haukvik hadde henta til Noreg for å delta på dei fyrste Bislett Games i 1965. Clarke budde då heime hjå Haukvik. Når det så ringte journalistar og ville intervjua Clarke, inviterte Haukvik dei på jordbær og fløyte i hagen. Dette vart byrjinga på Haukvik sine jordbærselskap og pressetreff som blei ein årleg tradisjon i forkant av Bislett Games.[1] Under Bislett Games 1965 senka Clarke verdsrekorden på 10 000 meter med 34.8 sekund - den nye rekorden blei 27,39.4.[2]
Arne Haukvik var lenge leiar for Bislett-Alliansen og var stemnedirektør for Bislett Games til Svein Arne Hansen tok over. Han arrangerte sjølv jordbærfestane fram til 2001, då han var for sjuk til å halda fram med det. Etter at Haukvik døydde av kreft i 2002, har kona hans, Ingjerd Haukvik, vorte invitert som æresgjest til Bislett Games.
Prisar og utmerkingar
[endre | endre wikiteksten]- Høgste utmerking frå Oslo Idrettskrets 1985
- Bislettmedaljen 1985
- Årets Oslo-borgar 1992
- Riddar av det raude jordbær 1993
- Høgste utmerking frå Norges Friidrettsforbund 1996
- Norske Idrettsleder-Veteraners Ærespris for særleg fortenestfull innsats for norsk idrett 1998
- Groruddalen Miljøforums Miljøpris 2000
- Kongens fortenestmedalje i gull 2002
- Idrettsgallaens heiderspris 2002
Kjelder
[endre | endre wikiteksten]- ↑ Historia til Bislett Games på dei offisielle nettsidene, arkivert frå originalen 18. mai 2013, henta 30. september 2013
- ↑ VG, 21.08.12: Arne Haukvik er død
- «Arne_Haukvik» i Store norske leksikon, snl.no., henta inn 30. september 2013.
- Denne artikkelen bygger på «Arne Haukvik» frå Wikipedia på bokmål, den 30. september 2013.
- Biografi på Stortinget.no