22 av Sarah McTernan
«22» Song av Sarah McTernan | ||
Land | Irland | |
Språk | Engelsk | |
Utgjeve | 29. mars 2019 | |
Sjanger | Elektropop | |
Lengd | 02:53 | |
Selskap | Universal Music | |
Låtskrivar(ar) | Janieck van de Polder, Marcia Sondeijker, Roel Rats |
---|
![](http://upload.wikimedia.org/wikipedia/commons/thumb/4/47/ESC2019-Ireland.jpg/220px-ESC2019-Ireland.jpg)
«22» er ein popsong frå 2019 som vert framført av den irske songaren Sarah McTernan. Songen vart vald ut av den irske kringkastaren RTÉ til å representere Irland i Eurovision Song Contest 2019 i Tel Aviv i Israel. Tittelen «22» viser til husnummeret til ekskjærasten til eg-personen i songen.[1]
Bakgrunn
[endre | endre wikiteksten]«22» er skriven av den nederlandske låtskrivartrioen Janieck van de Polder, Marcia Sondeijker og Roel Rats. Songen var eit av 430 bidrag som vart sende inn til den irske kringkastaren RTÉ for utveljinga til Eurovision Song Contest 2019.[2] RTÉ valde «22» til det irske bidraget, og valde vidare songaren Sarah McTernan til å framføre songen i Eurovision Song Contest. McTernan vart nummer tre i den fjerde sesongen av The Voice of Ireland i 2015, men har ikkje hatt nokon større songkarriere i Irland etter det.[3][4]
I januar 2019 vart Irland trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Irland var det andre bidraget på scena i semifinalen.[5] Songen enda til slutt på sisteplass i semifinalen, og kvalifiserte seg dimed ikkje til finalen laurdag 18. mai.[6]
Referansar
[endre | endre wikiteksten]- ↑ «22 lyrics — Sarah McTernan (Ireland Eurovision 2019)» (på engelsk). 31. mars 2019. Henta 5. mai 2019.
- ↑ «Ticket to Tel Aviv: Meet Sarah McTernan from Ireland». 22. april 2019. Henta 5. mai 2019.
- ↑ «Revealed: Ireland's entry for Eurovision 2019 is a familiar face» (på engelsk). Henta 5. mai 2019.
- ↑ Brent, Harry. «Who is Ireland’s Eurovision 2019 entry Sarah McTernan and when is it on TV?». Henta 5. mai 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». 16. mai 2019. Henta 17. mai 2019.
- Denne artikkelen bygger på «22 (Sarah McTernan-sang)» frå Wikipedia på bokmål, den 25. desember 2021.