Øvretveit var viktig på gutelaget til Brann som vann NM hausten 2010. Han kom til Brann som 15-åring etter å ha spelt ein periode for Skogsvåg, men spelte dei første åra sine for Telavåg. Øvretveit spelte dei fleste kampane for Brann 2 i tredjedivisjon våren 2011, i tillegg til kampane til juniorlaget.[2]
Øvretveit vart tekne ut av trening i fleire månader vinteren 2011-2012 på grunn av uregelmessige hjarteslag, men vart friskmeldt og rykte opp som tredjekeeper for laget i 2012, bak Jørgen Mohus og Piotr Leciejewski.[2]
Øvretveit blei tredjemålvakt for A-laget til SK Brann i 2012-sesongen. Men då andremålvakt Jørgen Mohus skadde fingeren ei veke før start, og fyrstemålvakt Piotr Leciejewski skadde skuldra i kampen mot Rosenborg 25. mars, debuterte Øvretveit som Brann-målvakt i Tippeligaen då han kom inn innbyttar i denne kampen, 17 år gammal.[3] Leciejewski kom attende frå skaden to veker seinare, og i mellomtida vart Hannes Halldorsson vart henta inn som andreval ut april. Leciejewski vart skadd igjen på 16. mai-kampen dette året, og igjen vart Øvretveit bytta inn. Leciejewski vart ute ei stund, og Øvretveit fekk dermed tre kampar frå start mot Aalesund, Fredrikstad og Tromsø. Som 17 åring hadde han dermed fått fem kampar i Tippeligaen.[2]
Øvretveit har spelt for alle aldersklassane av landslaget frå G15 opp til G19. Han debuterte for G15 22. september 2009 i ein kamp mot Sverige. Året etter spelte han sju kampar for G16 og i 2011 ni kampar for G17. Same året debuterte han for G18, som han spelte seks kampar før, før han i april 2012 debuterte for G19.[4]
I januar 2013 forlenga Øvretveit avtalen sin med Brann og har kontrakt fram til og med sesongen 2015.
Telavåg, 
24 Piotr Leciejewski
2 Birkir Már Sævarsson
18 Markus Jonsson
21 Zsolt Korcsmár
9 Martin Pusic
17 Stéphane Badji
11 Vasilij Pavlov