Çoruh
Çoruh | |||
Tsjorokhi, Akampsis | |||
elv | |||
Land | ![]() ![]() | ||
---|---|---|---|
Nedslagsfelt | 22 100 km² | ||
Lengd | 438 km | ||
Middelvassføring | 278 m³/s | ||
Kjelde | Mescidfjella | ||
Munning | Svartehavet | ||
![]() Çoruh 40°18′27″N 40°59′59″E / 40.3074°N 40.9997°E | |||
Wikimedia Commons: Çoruh River |
Çoruh (tyrkisk) eller Tsjorokhi (georgisk ჭოროხი; armensk Ճորոխ Tsjorokh, gresk Άκαμψις Akampsis) er ei elv som spring ut i Mescitfjella nordaust i Tyrkia. Ho renn gjennom byane Bayburt, Ispir, Yusufeli og Artvin, langs Kelkit-Çoruh-forkastinga, før ho renn inn i Georgia, der ho munnar ut i Svartehavet like sør for Batumi og nokre få kilometer nord for den tyrkisk-georgiske grensa.
I Periplus Ponti Euxini av Arrian vert ho kalla Άκαμψις Acampsis; Plinius kan ha forveksla ho med Bathys.[1]
Biologisk mangfald
[endre | endre wikiteksten]Çoruhdalen ligg i den økologiske sonen i Kaukasus, som av World Wild Fund for Nature og Conservation International vert rekna som ein stad med særleg stort biologisk mangfald.[2][3] Çoruhdalen vert av tyrkiske bevaringsorganisasjonar rekna som eit viktig planteområde,[4] eit viktig fugleområde,[5] eit nøkkelområde for biologisk mangfald[6] og er utpeikt som eit høgprioritert verneområde. Dalen er rik på planteliv og her finst 104 nasjonalt utryddingstrua planteartar der 67 av dei er endemiske for Tyrkia.[4]
Fritid
[endre | endre wikiteksten]Çoruh har vorte kalla ein juvel for økoturisme og den siste gjenverande ville elva i Tyrkia, og vert marknadsført for gode høve for elvepadling.[7]
![](http://upload.wikimedia.org/wikipedia/commons/thumb/3/3d/2007-06_%C3%87oruh_rafting.jpg/250px-2007-06_%C3%87oruh_rafting.jpg)
Demningar
[endre | endre wikiteksten]Det er planlagt bygd i alt 13 demningar i Çoruh-elva som ein del av vasskraftutbygging.[8], men i alt er 27 demningar planlagde i heile vassdraget. Fleire av dei er alt bygd, som Derinerdemninga.
Kjelder
[endre | endre wikiteksten]- Denne artikkelen bygger på «Çoruh River» frå Wikipedia på engelsk, den 11. august 2012.
- Wikipedia på engelsk oppgav desse kjeldene:
- ↑ William Smith, Dictionary of Greek and Roman Geografi, 1:216 (1854).
- ↑ WWF Global 200 Regions
- ↑ Conservation International Biodiversity Hotspots
- ↑ 4,0 4,1 Ozhatay N, Byfield A & Atay S 2005, 122 Important Plant Areas of Turkey, for WWF Turkey, Istanbul, Turkey.
- ↑ Magnin G & Yarar M 1989, Important Bird Area i Turkey, Dogal Hayati Koruma Dernegi, Turkey.
- ↑ Eken G, Bozdogan M, I˙sfendiyaroglu S, Kılıç DT & Lise Y, (editörler) 2006, Key biodiversity areas i Turkey, Doga Dernegi, Ankara, Turkey.
- ↑ United Nations Development Programme: Europa & CIS, "Eastern Tyrkia Becomes Tourist Destination" [1][daud lenkje]
- ↑ ENCON 2006, ‘Yusufeli Dam and Hydroelectric Power Project Environmental Impact Assessment’, Ankara, Turkey.
See also
[endre | endre wikiteksten]- European Rivers Network
- ECA Watch Arkivert 2012-02-07 ved Wayback Machine.
- Friends of the Earth