Hopp til innhald

Reality-turneen

Frå Wikipedia – det frie oppslagsverket
A Reality Tour
Turné av David Bowie
Tilknytt(e) album Reality
Startdato 7. oktober 2003
Sluttdato 25. juni 2004
Talet på konsertar 70 i Europa
29 i Nord-Amerika
8 i Oseania
5 i Asia
112 totalt
Konsertkronologi
Heathen-turneen
(2002) 		A Reality Tour

A Reality Tour var ein verdsturné av David Bowie for å marknadsføre albumet Reality.[1] Turneen starta 7. oktober 2003 i Forum København i Danmark og fortsette gjennom Europa Nord-Amerika, Asia, inkludert New Zealand og Australia for første gongen sidan Glass Spider-turneen i 1987. Med over 110 konsertar var turneen den lengste i karrieren til Bowie.[2] Bowie fekk eit hjarteinfarkt seint i juni 2003 som førte til at somme konsertar nær slutten av turneen vart avlyste.[3] Bowie slutta heilt å spele konsertar i 2006, så dette vart den siste turneen hans.[4]

Turneen tente totalt 46 millionar amerikanske dollar, som var den niande mest innbringande turneen i 2004.[5]

Bakgrunn

[endre | endre wikiteksten]

Bowie annonserte turneen i juni 2003 og planen var å spele for over ein million folk over 17 land, og vart omtalt som den første store turneen hans sidan Outside-turneen i 1995.[6] Øvingane for turneen byrja i juli og han brukte stort sett det same bandet som på den førre Heathen-turneen. Mark Plati var oppteken med andre oppgåver, så gitaristen Gerry Leonard vart den nye bandleiaren.[7] Bandet spelte ein oppvarmingskonsert den 19. august i New York for eit lite publikum på kring 500 personar i The Chance.[8] I september byrja Bowie å dukke opp på nasjonal radio og TV-show i Tyskland og Frankrike og spelte ein «direkte og interaktiv framføring» i London den 8. september, ein av dei første direktesendte rockekonsertane og den første som vart kringkasta i 5.1-lyd.[8] Dette showet vart sendt live til publikum over heile verda i kino- og konsertsalar, men i somme land (som Japan og Australia) vart ikkje showet sendt før dagen etter, og i somme land (som i USA) vart ikkje showet sendt før ei veke seinare.[8] Somme kinosalar rapporterte at dei ikkje mottok den midtre lydkanalen under showet, som gjorde at publikum ikkje kunne høyre vokalen til Bowie. Dette skal ha vore eit problem i kinosalen sin ende i følgje Tony Visconti, som var ansvarleg for miksen.[9] Kort tid etter fortsette Bowie å spele på show som Friday Night with Jonathan Ross på BBC1, The Today Show, Last Call with Carson Daly og The Late Show with David Letterman.[10] Songane som vart framførte på desse showa var mellom andre «New Killer Star», «Modern Love», «Never Get Old» og «Hang On to Yourself».[10] Til slutt, seint i september, spelte Bowie og bandet songar for AOL Online, der dei framførte «New Killer Star», «I'm Afraid of Americans», «Rebel Rebel», «Days» og «Fall Dog Bombs the Moon»,[10] som alle vart strøymd til AOL-kundar over dei neste få månadane.[10] Mot slutten av september var Bowie og bandet i Brussel for dei siste øvingane.[10]

Turnédesign

[endre | endre wikiteksten]

Turneen vart skildra av Bowie-biografen Nicholas Pegg som «på nokre måtar til og med meir teatralsk» enn «Sound+Vision-turneen», ein av dei meir teatralske turneane til Bowie.[10] Scenen inkluderte store LED-skjermar med ein heva catwalk og fleire plattformer som gjekk inn i publikum, trapper og «store, kvitbleika tregreiner» som hengde «grasiøst på kvar side av scenen».[10] Bowie sjølv var med å designe scenen i lag med designeren Therese Depreze og den visuelle regissøren Laura Frank.[10]

Repertoir

[endre | endre wikiteksten]

Setlist inkluderte songar frå meir enn den 30 år lange karrieren til Bowie, frå The Man Who Sold the World (1970) og opp til Reality (2003), i tillegg til samarbeid som «Sister Midnight» (originalt frå The Idiot (1977) av Iggy Pop) og «Under Pressure» (singel (1981) av Bowie og Queen seinare gjeven ut på Hot Space året etter), og klipp av Bowie-klassikarar som «Space Oddity» og «Golden Years».[11] Bandet øvde inn kring 60 songar for turneen,[2] og det store repertoaret gjorde at dei kunne endre setlista frå kveld til kveld, og laga stundom setlista undervegs i konserten, noko Bowie sjeldan hadde gjort før med sterkt koreograferte turnear som Serious Moonlight-turneen i 1983, Glass Spider-turneen i 1987 og Sound+Vision-turneen i 1990.[11] Bowie og bandet hans spelte over to timar kvar kveld på turneen, og ofte meir enn 30 songar på enkelte konsertar.[12] Ein song som vart øvd inn men aldri framført var «Win» frå albumet Young Americans. Han vart berre stundom spelt under lydsjekkane.[13]

Mottaking

[endre | endre wikiteksten]

Konserten 24. januar 2004 i Vancouver BC fekk positiv omtale og kritikaren sa at «med nær plettfri vokal av Bowie, eit glimrande band og eit smart gjennomført show, endar du opp med ein av dei finaste old-school rockeartistane som nokon sinne har spelt på heimebanen til Canucks.»[14] Meldinga av den neste konserten i Seattle den 25. januar 2004 var like positiv og sa at Bowie «er framleis ei superstjerne i kvar einaste tomme ... osar framleis sjarme og sexappeal» og kalla setlista «ei feiring av heile katalogen hans.»[15]

Hendingar

[endre | endre wikiteksten]

6. mai 2004 vart ein konsert i James L. Knight Center i Miami i Florida avlyst etter at lysteknikaren Walter «Wally Gator» Thomas fall og omkom før Bowie gjekk på scenen.[16]

På konserten i Oslo den 18. juni 2004 vart Bowie råka av ein kjærleik-på-pinne i auga, kasta av ein person i publikum.[17]

Hjarteinfarkt

[endre | endre wikiteksten]

23. juni, medan han stod på scenen i Praha, fekk Bowie eit hjarteinfarkt, som gjorde at han måtte forlate scenen (og til slutt avslutte konserten tidleg) for å få medisinsk hjelp.[3] Turneen vart offisielt avslutta etter Hurricane Festival i Scheeßel i Tyskland den 25. juni 2004, fordi han framleis kjende seg uvel.[3] 30. juni vart turneen offisielt avslutta etter at Bowie vart diagnostisert med ei akutt blokkert arterie som kravde ein angioplastikk-operasjon (utført 26. juni).[3][18] I 2016 etter Bowie døydde, fortalte bassisten Gail Ann Dorsey, som stod på scenen med Bowie om dei to siste konsertane på turneen: «[På det nest siste showet, i Praha] hugsar eg at me spelte songen «Reality». Han skulle synga heilt på slutten av songen, og han gjorde det ikkje. Eg såg på han litt bakfrå. Alle var gjennomvåt fordi det var veldig varmt der inne, men skjorta hans var berre gjennomvåt. Han var berre våt og heldt mikrofonen ute med venstre hand rett ut. Og han stod berre der og poserte, men song ikkje. Og eg tenkte: «Kvifor syng han ikkje den siste biten?»

Så såg han over skuldra på meg og han var berre kvit, bleik, nesten gjennomskinneleg. Auga hans var store og han gispa litt etter luft, og hadde problem med å trekka pusten. Og så hugsar eg at eg såg ned på publikum, og eg kunne sjå uttrykka deira på første rad, og såg opp på han, hadde forandra seg. Dei gjekk frå glede og dans til å sjå bekymra ut. På det tidspunktet såg livvakta og hjelparen hans det same. Han gjekk inn på scena og tok han av. ... Me fortsette og spelte nokre fleire songar. Han bad om ein krakk, og han sette seg. Han hata berre å avlysa show. Det var nokon netter han var så sjuk at han hadde ei bøtte på sida av scena der han skulle gå mellom songane for å kasta, men han ville aldri avbryta noko. Og me visste ikkje at han fekk hjarteinfarkt før fire eller fem dagar seinare.

[På det siste showet, på Hurricane Festival i Hamburg, Tyskland] hugsar eg at eg gjekk ned trappa bak han etter at me var ferdige. Då han kom heilt ned, kollapsa han faktisk. Han var så sliten og så sjuk. Dei hasta han til sjukehuset, og me sat og venta i Hamburg i nokre dagar, og det var slutten. Det siste showet.»[19]}}

Konsertopptak

[endre | endre wikiteksten]
For meir om dette emnet, sjå filmen A Reality Tour og albumet A Reality Tour.

Ein DVD-video frå Point Theatre i Dublin i 2003 kom ut på A Reality Tour i 2004. Ein CD med den same konserten kom ut på A Reality Tour i 2010.

Turnébandet

[endre | endre wikiteksten]

Konsertar

[endre | endre wikiteksten]
Dato By Land Spelestad Bilettsal / kapasitet Inntekt Oppvarmingsartist
Europa
7. oktober 2003 København Danmark Forum København N/A N/A «The Dandy Warhols»
8. oktober 2003 Stockholm Sverige Globen Arena N/A N/A
10. oktober 2003 Helsinki Finland Hartwall Areena N/A N/A
12. oktober 2003 Oslo Noreg Oslo spektrum N/A N/A
15. oktober 2003 Rotterdam Nederland Rotterdam Ahoy N/A N/A
16. oktober 2003 Hamburg Tyskland Color Line Arena N/A N/A
18. oktober 2003 Frankfurt Festhalle Frankfurt N/A N/A
20. oktober 2003 Paris Frankrike Palais Omnisports de Paris-Bercy N/A N/A
21. oktober 2003 N/A N/A
23. oktober 2003 Milano Italia Forum di Assago N/A N/A
24. oktober 2003 Zürich Sveits Hallenstadion N/A N/A
26. oktober 2003 Stuttgart Tyskland Hanns-Martin-Schleyer-Halle N/A N/A
27. oktober 2003 München Olympiahalle N/A N/A
29. oktober 2003 Wien Austerrike Wiener Stadthalle N/A N/A
31. oktober 2003 Köln Tyskland Kölnarena N/A N/A
1. november 2003 Hannover Preussag Arena 10,587 / 10,587 $499,926
3. november 2003 Berlin Max-Schmeling-Halle 10,693 / 10,693 $512,787
5. november 2003 Antwerpen Belgia Sportpaleis 16,113 / 16,113 $690,217
7. november 2003 Lille Frankrike Zénith de Lille 6,986 / 6,986 $349,420
8. november 2003 Amnéville Galaxie Amnéville 10,960 / 11,200 $462,161
10. november 2003 Nice Palais Nikaia 7,620 / 8 000 $426,823
14. november 2003 Marseille Le Dôme de Marseille 8,004 / 8,004 $440,087
15. november 2003 Lyon Halle Tony Garnier 17 000 / 17 000 $753,371
17. november 2003 Manchester England Manchester Evening News Arena 14,827 / 14,827 $1,094,747
19. november 2003 Birmingham NEC LG Arena 23,604 / 23,604 $1,759,705
20. november 2003
22. november 2003 Dublin Irland Point Theatre 17 000 / 17 000 $1,142,076
23. november 2003
25. november 2003 London England Wembley Arena 23,048 / 23,048 $1,717,549
26. november 2003
28. november 2003 Glasgow Scotland Scottish Exhibition and Conference Centre 10,103 / 10,103 $768,886
Nord-Amerika
13. desember 2003 Montreal Canada Bell Centre 11,315 / 11,315 $613,650 Macy Gray
15. desember 2003 New York City USA Madison Square Garden 13,752 / 13,752 $1,108,711
16. desember 2003 Uncasville Mohegan Sun Arena 6,698 / 6,698 $313,460
20. desember 2003 Nassau Bahamas The Atlantis Paradise Island Hotel N/A N/A N/A
7. januar 2004 Cleveland USA CSU Convocation Center 7,692 / 7,938 $336,940 Macy Gray
9. januar 2004 Auburn Hills The Palace of Auburn Hills 8,509 / 8,909 $427,522
11. januar 2004 Minneapolis Target Center 5,492 / 7,505 $275,436
13. januar 2004 Rosemont Rosemont Theatre 12,867 / 12,867 $959,883
14. januar 2004
16. januar 2004
19. januar 2004 Denver Fillmore Auditorium 3,600 / 3,600 $237,600
21. januar 2004 Calgary Canada Pengrowth Saddledome 11,474 / 11,474 $634,074
24. januar 2004 Vancouver GM Place 11,617 / 11,617 $612,323
25. januar 2004 Seattle USA Paramount Theatre 2,804 / 2,835 $199,722
27. januar 2004 San Jose HP Pavilion 9,856 / 10,317 $578,128
30. januar 2004 Las Vegas The Joint 1,522 / 1,522 $343,313
31. januar 2004 Los Angeles Shrine Auditorium 12,348 / 12,348 $803,544
2. februar 2004
3. februar 2004 Wiltern Theatre 2,290 / 2,290 $187,174
5. februar 2004 Phoenix Dodge Theater 4,873 / 4,873 $237,842
6. februar 2004 Las Vegas The Joint 1,522 / 1,522 $343,313
7. februar 2004 Los Angeles Wiltern Theatre 2,290 / 2,290 $187,174
Oseania
14. februar 2004 Wellington New Zealand Westpac Stadium N/A N/A Brooke Fraser
17. februar 2004 Brisbane Australia Brisbane Entertainment Centre N/A N/A Something for Kate
20. februar 2004 Sydney Sydney Entertainment Centre N/A N/A
21. februar 2004 N/A N/A
23. februar 2004 Adelaide Adelaide Entertainment Centre N/A N/A
26. februar 2004 Melbourne Rod Laver Arena N/A N/A
27. februar 2004 N/A N/A
1. mars 2004 Perth Supreme Court Gardens N/A N/A
Asia
4. mars 2004 Singapore Singapore Indoor Stadium N/A N/A N/A
8. mars 2004 Tokyo Japan Nippon Budokan N/A N/A
9. mars 2004 N/A N/A
11. mars 2004 Osaka Osaka-jo Hall N/A N/A Kiyorahu
14. mars 2004 Hong Kong Hong Kong Convention and Exhibition Centre N/A N/A N/A
Nord-Amerika
29. mars 2004 Philadelphia USA Wachovia Center 10,761 / 18 000 $645,380 Stereophonics
30. mars 2004 Boston FleetCenter N/A N/A
1. april 2004 Toronto Canada Air Canada Centre 13,893 / 14,114 $771,136
2. april 2004 Ottawa Corel Centre N/A N/A
4. april 2004 Quebec City Colisée Pepsi N/A N/A
7. april 2004 Winnipeg Winnipeg Arena N/A N/A
9. april 2004 Edmonton Rexall Place 8,507 / 9,404 $342,609
11. april 2004 Kelowna Skyreach Place N/A N/A
13. april 2004 Portland USA Rose Garden Arena N/A N/A
14. april 2004 Seattle KeyArena 6,065 / 6,500 $316,094
16. april 2004 Berkeley Berkeley Community Theatre N/A N/A
17. april 2004 N/A N/A
19. april 2004 Santa Barbara Santa Barbara Bowl 4,546 / 4,562 $314,625
22. april 2004 Los Angeles Greek Theatre 5,764 / 5,764 $360,560
23. april 2004 Anaheim Arrowhead Pond 7,015 / 7,520 $498,218
25. april 2004 Loveland Budweiser Events Center 4,177 / 5,440 $262,503
27. april 2004 Austin The Backyard Amphitheater N/A N/A
29. april 2004 The Woodlands Cynthia Woods Mitchell Pavilion N/A N/A
30. april 2004 New Orleans Saenger Theatre N/A N/A
5. mai 2004 Tampa Tampa Bay Performing Arts Center N/A N/A The Polyphonic Spree
8. mai 2004 Atlanta Chastain Park Amphitheater N/A N/A
10. mai 2004 Kansas City Starlight Theatre N/A N/A
11. mai 2004 St. Louis Fox Theatre N/A N/A
13. mai 2004 Hershey Star Pavilion N/A N/A
14. mai 2004 London Canada John Labatt Centre 8,513 / 8,513 $446,740
16. mai 2004 Fairfax USA Patriot Center N/A N/A
17. mai 2004 Pittsburgh Benedum Center N/A N/A
19. mai 2004 Milwaukee Milwaukee Theatre N/A N/A
20. mai 2004 Indianapolis Murat Shrine N/A N/A
22. mai 2004 Moline The MARK of the Quad Cities N/A N/A
24. mai 2004 Columbus Columbus Veterans Memorial Auditorium N/A N/A
25. mai 2004 Buffalo Shea's Performing Arts Center N/A N/A
27. mai 2004 Scranton Ford Pavilion at Montage Mountain N/A N/A
29. mai 2004 Atlantic City Borgata Event Center N/A N/A
30. mai 2004 N/A N/A
1. juni 2004 Manchester Verizon Wireless Arena N/A N/A
2. juni 2004 Uncasville Mohegan Sun Arena N/A N/A
4. juni 2004 Wantagh Tommy Hilfiger at Jones Beach Theatre N/A N/A
5. juni 2004 Holmdel PNC Bank Arts Center N/A N/A
Europa
11. juni 2004 Amsterdam Nederland Amsterdam Arena N/A N/A –
13. juni 2004 - Isle of Wight-festivalen Newport England Seaclose Park N/A N/A
17. juni 2004 - Bergenfest Bergen Noreg Koengen N/A N/A
18. juni 2004 - Norwegian Wood-festivalen Oslo Frognerbadet N/A N/A
20. juni 2004 Seinäjoki Finland Provinssirock N/A N/A
23. juni 2004 Praha Tsjekkia T-Mobile Arena N/A N/A
25. juni 2004 - Hurricane-festivalen Scheeßel Tyskland Eichenring N/A N/A
Total 722 158 / 737 581 $45 395 490
Avlyste eller flytta konsertar
12. november 2003 Toulouse Le Zénith de Toulouse Avlyst
6. desember 2003 Atlantic City The Borgata Events Center Flytta til 29. mai 2004
7. desember 2003 Fairfax Patriot Center Flytta til 16. mai 2004
9. desember 2003 Boston Fleet Center Flytta til 30. mars 2004
10. desember 2003 Philadelphia Wachovia Center Flytta til 29. mars 2004
12. desember 2003 Toronto Air Canada Centre Flytta til 1. april 2004
6. mai 2004 Miami James L. Knight Center Avlyst
26. juni 2004 Tuttlingen Southside Festival Avlyst
29. juni 2004 Wien Schloss Schönbrunn Avlyst
30. juni 2004 Salzburg Residenzplatz Avlyst
2. juli 2004 Roskilde Roskildefestivalen Avlyst
4. juli 2004 Werchter Rock Werchter Avlyst
6. juli 2004 Ile De Gaou Festival de la Gaou Avlyst
7. juli 2004 Carcassonne Festival de la Cite Avlyst
10. juli 2004 Kinross Balado, T in the Park Avlyst
11. juli 2004 County Kildare Oxegenfestivalen Avlyst
14. juli 2004 Bilbao Bilbaofestivalen Avlyst
16. juli 2004 Compostela Xacobeofestivalen Avlyst
17. juli 2004 Oporto The Dragon-festivalen Avlyst
20. juli 2004 Nyon Paléo Festival Nyon Avlyst
21. juli 2004 Monte Carlo Club du Sporting Avlyst
23. juli 2004 Carhaix Vieilles Charrues Festival Avlyst

Songar

[endre | endre wikiteksten]

Merknad:

  • DVD/CD inkludert på A Reality Tour (film) og A Reality Tour (konsertalbum)
  • CD Inkludert på konsertalbumet
  • iTunes Tilgjengeleg som digitalt bonusspor

Frå David Bowie

  • «Space Oddity»

Frå The Man Who Sold the World

Frå Hunky Dory

Frå The Rise and Fall of Ziggy Stardust and the Spiders from Mars

Frå Aladdin Sane

Frå Diamond Dogs

Frå Young Americans

Frå Station to Station

Frå Low

Frå "Heroes"

Frå Lodger

Frå Scary Monsters (and Super Creeps)

Frå Let's Dance

Frå Tonight

  • «Loving the Alien» DVD/CD
  • «Blue Jean»

Frå Outside

  • «Hallo Spaceboy» DVD/CD (Bowie, Eno)
  • «The Motel» (Bowie, Eno) DVD/CD

Frå Earthling

Frå Heathen

Frå Reality

Andre songar:


Kjelder

[endre | endre wikiteksten]
  1. ↑ Bowie announces world tour
  2. ↑ 2,0 2,1 Jacobson, Colin (3. november 2004), David Bowie: A Reality Tour (2003), henta 22. september 2021 
  3. ↑ 3,0 3,1 3,2 3,3 Pegg 2016, s. 625.
  4. ↑ Gilmore, Mikal (2. februar 2012), «How Ziggy Stardust Fell to Earth», Rolling Stone magazine (1149): 36–43, 68 
  5. ↑ Madonna Heads List Of Year's Top Tours, henta 22. september 2021 
  6. ↑ «Bowie On World Tour», Sky News, 16. juni 2003, arkivert frå originalen 21. september 2013, henta 22. september 2021 
  7. ↑ Pegg 2016, s. 618-619.
  8. ↑ 8,0 8,1 8,2 Pegg 2016, s. 619.
  9. ↑ Pegg 2016, s. 619-620.
  10. ↑ 10,0 10,1 10,2 10,3 10,4 10,5 10,6 10,7 Pegg 2016, s. 620.
  11. ↑ 11,0 11,1 Pegg 2016, s. 621-622.
  12. ↑ O'Leary 2019, s. 555.
  13. ↑ Pegg 2016, s. 315.
  14. ↑ Newton, Steve (13. januar 2016). «David Bowie's final Vancouver show, 2004». The Georgia Straight. Henta 22. september 2021. 
  15. ↑ MacDonald, Patrick (26. januar 2004). «David Bowie: Supercool rock icon ever ch-ch-changing for the better». The Seattle Times. s. E1–E3. 
  16. ↑ Crew member dies at Bowie concert
  17. ↑ Lollipop hits Bowie in eye at gig
  18. ↑ «Bowie recovers after heart surgery». 9. juli 2004. Henta 22. september 2021. 
  19. ↑ Greene, Andy (25. januar 2016). «David Bowie Bassist Gail Ann Dorsey: 'He Altered the Course of My Life'». Rolling Stone. Arkivert frå originalen 12. februar 2016. Henta 14. februar 2016. 
  20. ↑ «PRS Guitars Artist Profile for Gerry Leonard». Arkivert frå originalen 24. mars 2013. Henta 13. mars 2013. 
Henta frå «https://nn.wikipedia.org/w/index.php?title=Reality-turneen&oldid=3437673»