Albert Peter Low
Albert Peter Low (24. mai 1861–9. oktober 1942) var ein kanadisk geolog, utforskar og idrettsutøvar. Utforskingane hans i 1893–1895 var viktige for å heva kanadisk suverenitet over Arktis, og seinare til å fastsetja grensa mellom Quebec og Labrador.
| Albert Peter Low | |||
_a214276-v6.jpg) | |||
| Fødd | 24. mai 1861 Montreal | ||
|---|---|---|---|
| Død | 9. oktober 1942 Ottawa | ||
| Nasjonalitet | Canada | ||
| Yrke | oppdagar, geograf, geolog | ||
| Alma mater | McGill University | ||
Liv
endreAlbert Peter Low var fødd i Montreal i Quebec.[1] Han studerte ved McGill University, som han gjekk ut frå i 1882. Han flytta til Ottawa i Ontario å jobbe som landmålar og oppdagar med Geological Survey of Canada. Low blei påskjønna av høgtståande embetsmenn for framifrå arbeid, og utførte fleire vitskaplege oppdrag i nord. Low er kanskje best hugsa som leiar for ein Dominion-ekspedisjon i 1903-04 for å hevda kanadisk suverenitet over Arktis. Reisa resulterte i ei bestseljande bok, The Cruise of the Neptune. I 1906 blei han utnemnd til direktør for Geological Survey of Canada. I 1907 blei han den fyrste viseministeren for Department of Mines. Han pensjonerte seg i 1913 etter ein alvorleg sjukdom.[2]
Low var også ein idrettsutøvar, og spelte ishockey for to kjente lag, McGill University Hockey Club, som er rekna som den fyrste organiserte hockeyklubben i verda, og Ottawa Hockey Club. I 1883 stod han i måldå McGill Hockey Club vann Montreal Winter Carnival. Denne meisterskapen er rekna som den fyrst kanadiske meisterskapen. Etter å ha flytta til Ottawa i 1883 var han med på å skipa Ottawa Hockey Club, som blei til nokre vekre etter tevlinga i 1883. I 1884 vende han tilbake til Montreal Winter Carnival-tevlinga som målvakt for Ottawa, og slapp ikkje inn nokon mål mot McGill. Han var medlem av Ottawa Hockey Club til 1889.
Low døydde i Ottawa i 1942. Aplowitt, eit gjennomsynleg rosafarga koboltmineral, er kalla opp etter han.[2] Han har også gjeve namn til A. P. Low Primary School i Labrador City.
Kjelder
endre- ↑ «LOW, Albert Peter». Canadian Who's Who: 136. 1910.
- ↑ 2,0 2,1 «Trailblazers - Albert Peter Low». Natural Resources Canada. Arkivert frå originalen 29. januar 2009.
- Denne artikkelen bygger på «Albert Peter Low» frå Wikipedia på engelsk, den 29. mai 2023.
- Wikipedia på engelsk oppgav desse kjeldene:
- Fischer, Doug (March 1, 2008). «How official Ottawa held back a 'great unsung native hero'; Even John A. Macdonald couldn't secure a full-time job for a founder of the world's first hockey league, Doug Fischer writes.». Ottawa Citizen. s. A1. Arkivert frå originalen November 9, 2012. Henta September 27, 2010.
- Fischer, Doug (March 2, 2008). «When hockey came to the capital; 125 years ago this week, the Ottawa Hockey Club -- the team that became the original Senators -- took to the ice for the first time. A new book tells their fascinating story». Ottawa Citizen. s. D4.
- «Trailblazers - Albert Peter Low». Natural Resources Canada. Arkivert frå originalen 29. januar.