Uschi Disl

Ursula „Uschi“ Disl (* 15. November 1970 in Bad Tölz) is en ehmalge düütsch Biathletin. Se hörr mit to de eerst internatschonal spoodriek düütsch Biathletinnen un harr maatgeven Andeel an de stiegen Popularität vun disse Sportoort. Nah dat Enn' vun hör Loopbahn un een Johr Babypause hett Disl wiels de Biathlon-Weltcupsaison 2007/08 un 2008/2009 as TV-Expertin bi de ARD arbeit.

Privatleven

Disl leevt in Mora (Schweden), tosoammen mit den bi dat norweegsch Team arbeiten Skitechniker Thomas Söderberg ut Sweden, mit de se een Tochter un een Söhn hett. Neben de Biathlon-Aktivität weer se Beamtin bi den Bundsgrenzschuul, de hüdige Bundspolizei, de hör de Mögelkeit geev, för hör Sport to traineeren.

Biathlonloopbahn

Anfänge

Uschi Disl is in' Winter 1986/87 vun den Skilangloop to'n Biathlon wesselt. All dree Johr later wurr se in Finnland Junioren-Weltmeesterin mit de Mannschap. Hör eerst Saison in' Weltcup leep Disl in' Winter 1990/91; se hett de Saison denn as Gesamtweltcup-Veerte afslooten, hör eerst Weltcupsieg gelung hör in dat Sprintrennen vun Les Saisies. Bi de Weltmeesterschapen 1991 in Lahti wunn se mit de Bronzemedaille in dat Staffelrennen hör eerste WM-Medaille, bi de Düütsch Meesterschapen wunn se den Eenzelwettbewarf över 15 km.

Spoodriek Johren

Bi de Olympisch Winterspelen 1992 in Albertville weer Damenbiathlon to'n eersten Mal olympisch Disziplin. Uschi Disl keem över 7,5 km up den 11. Platz, direkt achter hör mannschapskollegin Inga Kesper un över 15 km up den 24. Platz. Tosommen mit Antje Misersky un Petra Schaaf reck se mit de düütsch Staffel aber de Sülvermedaille un dormit hör eerst olympisch Medaille.

Olympisch Winterspelen 1994 in Lillehammer

Bi de Olympisch Winterspelen 1992 in Lillehammer keem Uschi Disl över 15 km up den darten Platz achter Myriam Bédard un Anne Briand un mit de Staffel gemeensam mit Antje Harvey, Simone Greiner-Petter-Memm un Petra Schaaf up den tweeten Platz.

Olympisch Winterspelen in 1998 Nagano

Nah twee Sülvermedaillen as ok een Bronzemedaille bi de Olympisch Winterspelen 1992 un 1994 weer de Gewinn vun en Goldmedaille bi de Olympisch Winterspelen 1998 in dat japaansch Nagano dat Teel vun Uschi Disl. In dat Eenzelrennen an' 9. Februar 1998 leeg Disl mit dree fehlerfree Scheeten up Siegeskurs, ful dör en Fehler bi dat letzt Scheeten torüch un reck sluutend de Bronzemedaille achter Ekaterina Dafowska un Elena Petrowa.^[1] In dat söss Daag later stattfinnen Sprintrennen wurr Disl mit 0,7 Sekunden Rückstand Tweet achter de Russin Galina Kuklewa.^[2] Kompletteeren kunn Uschi Disl hör Medaillensatz mit de Goldmedaille in dat afsluuten Staffelrennen, dat se gemeensam mit Martina Zellner, Katrin Apel un Petra Behle wunn.^[3]

Afsluuten kunn Uschi Disl de Saison 1997/98 mit twee Siegen in dat öösterrieksch Hochfilzen, dormit wurr se achter Magdalena Forsberg weer Tweete in' Gesamtweltcup.

Olympisch Winterspelen 2002 in Salt Lake City

Ok bi disse Olympisch Winterspelen weer Uschi Disl nomineert. In dat Sprintrennen wunn se dorbi de Sülvermedaille und mit de Staffel de Goldmedaille för de Mannschapen ut Norwegen un Russland.

Eenzeltriumph in Hochfilzen

Bi de Weltmeesterschapen 2005 in Hochfilzen hett se twee Eenzeltitel wunnen. In dat Sprintrennen reck Disl mit en fehlerfree Scheeten un en Vörsprung vun 3,5 Sekunn vörr der Russin Olga Saizewa^[4] den eersten Eenzelerfolg in hör Karriere. In dat Verfolgungsrennen leefer se sück bit to'n Sluss en Duell mit de Chinesin Liu Xianying, dat se an' Enn' mit 17,9 Sekunn Vörsprung för sück entscheeden kunn.^[5] De letzt regulären Weltmeesterschapen in hör Karriere kunn Uschi Disl also 14 Johr nah den Gewinn vun hör eerst Weltmeesterschaps-Medaille neben de lang ersehnten beid Eenzel-Goldmedaillen buterdem mit en Sülvermedaille in dat Staffelrennen afsluuten. Dormit wurr se to de spoodriekste Athletin vun disse Weltmeesterschapen.

De letzte Saison

De Saison 2005/06 wurr för Uschi Disl hör letzt Saison. As in dat Vörjohr ok, wunn se to den Saisonuptakt dat Sprintrennen in Östersund,^[6] dat weer to glieker Tiet ok de letzte Weltcupsieg in hör Loopbahn. Bit to de Olympisch Winterspelen 2006 in Turin, de fievte in hör Karriere, kunn se dör beständig Leistungen in' Weltcup övertüügen. Weniger spoodriek verleepen aber för Disl de eerst olympisch Rennen: In Eenzel-, Sprint as ok Verfolgungsrennen belegg se de Platzen 12,^[7] 34^[8] un 10.^[9] En dorut folgen Konsequenz weer, dat Disl to'n eersten Mal nich in en olympisch Staffel insett wurr un weer somit ok nich an den Gewinn vun de Sülvermedaille bedeeligt. In dat afsluuten Massenstartrennen an' 25. Februar 2006 leeg Disl nah dat letzt Scheeten up Platz 6; mit de flinkste Slussrunn vun all Athletinnen kunn se sück aber noch nah vörn kämpen un reck mit de Bronzemedaille (achter Anna Carin Olofsson un Kati Wilhelm) hör insgesamt negente olympische Medaille.^[10]

In' März 2006 hett Disl ehrn Rücktoog ut den Biathlon-Weltcup ankünnigt. Dat Massenstart-Rennen an' 26. März 2006 an' Holmenkollen in Oslo^[11] weer he letzt Weltcup-Start, hör Karriere gung as Fievtplatzeerte vun den Gesamtweltcup to Enn'.^[12]

Bilanz

Bi Olympisch Winterspelen hörrt Uschi Disl to de spoodriekste Biathletinnen, se wunn all tosommen negen olympisch Medaillen (2x Gold, 4x Sülver, 3x Bronze). Bi Weltmeesterschapen hett se sogor 19 Medaillen wunnen, dorvan twee Eenzel-Goldmedaillen bi de Biathlon-Weltmeesterschapen 2005 in Hochfilzen un all tosommen 6x Gold mit Staffeln oder de Mannschap.

Mit den veerten Platz in' Gesamtweltcup 2003/04, nah dree tweeten (1996, 1997, 1998) un dree darten Platzen (1995, 1999, 2002), weer se de beste düütsch Biathletin över de gesamte Saison weg. Hör all tosommen 30 Eenzelsiege in' Weltcup wurrn bitlang in' Damenbiathlon blots vun Magdalena Forsberg (42 Eenzelsiege) un Magdalena Neuner (34 Eenzelsiege) överdrapen.

TV-Engagement

In den Biathlon-Weltcupsaisons 2007/08 un 2008/09 hett Uschi Disl bi de ARD as Experten-Kommentatorin arbeit. Se hett dor vör allen de Damenrennen begleit, wiels Ricco Groß för de Wettkämpe vun de Mannlüüd tostännig weer. Disl un Groß hemm in disse Funktschoon de ehmalge Biathletin Magdalena Forsberg aflöst.^[13]^[14]

Wat se schafft hett

Olympisch Winterspelen:

1992: 1 × Sülver (Staffel)
1994: 1 × Sülver (Staffel), 1 × Bronze (Eenzel)
1998: 1 × Gold (Staffel), 1 × Sülver (Sprint), 1 × Bronze (Eenzel)
2002: 1 × Gold (Staffel), 1 × Sülver (Sprint)
2006: 1 × Bronze (Massenstart)

Weltmeesterschapen:

1991: 1 × Bronze (Staffel)
1992: 1 × Gold (Mannschap)
1995: 1 × Gold (Staffel), 3 × Sülver (Eenzel, Sprint, Mannschap)
1996: 2 × Gold (Staffel, Mannschap)
1997: 1 × Gold (Staffel)
1999: 1 × Gold (Staffel)
2000: 2 × Sülver (Verfolgung, Staffel)
2001: 2 × Sülver (Sprint, Staffel)
2003: 1 × Bronze (Staffel)
2005: 2 × Gold (Sprint, Verfolgung), 1 × Sülver (Staffel), 1 × Bronze (Mixed-Staffel)

Gesamtweltcup:

3 × Platz 2 (1995/96, 1996/97, 1997/98)
3 × Platz 3 (1994/95, 1998/99, 2001/02)

Disziplinen-Weltcup:

2 × Siegerin in' Eenzel-Weltcup (1996/97, 1998/99)
1 × Siegerin in' Sprint-Weltcup (1996/97)

Utteknungen

2003
- Bayerischer Sportpreis in de Kategorie „Botschafter des bayerischen Sports“
2005
- Bambi in de Kategorie Sport
- Sportlerin vun dat Johr 1. Platz
2006
- Bayerisch Verdeenstorden

Enkeld Nahwiesen

[1] Olympische Winterspiele 1998 in Nagano: Ergebnis Einzel vom 9. Februar 1998

[2] Olympische Winterspiele 1998 in Nagano: Ergebnis Sprint vom 15. Februar 1998

[3] Olympische Winterspiele 1998 in Nagano: Ergebnis Staffel vom 19. Februar 1998

[4] Weltmeisterschaften 2005 in Hochfilzen: Ergebnis Sprint vom 5. März 2005

[5] Weltmeisterschaften 2005 in Hochfilzen: Ergebnis Verfolgung vom 6. März 2005

[6] ttps://data.biathlonworld.com/data/archives.aspx?RaceId=BT0506SWRLCP01SWSP

[7] ttps://data.biathlonworld.com/data/archives.aspx?RaceId=BT0506SWRLOG__SWIN

[8] ttps://data.biathlonworld.com/data/archives.aspx?RaceId=BT0506SWRLOG__SWSP

[9] ttps://data.biathlonworld.com/data/archives.aspx?RaceId=BT0506SWRLOG__SWPU

[10] ttps://data.biathlonworld.com/data/archives.aspx?RaceId=BT0506SWRLOG__SWMS

[11] ttps://data.biathlonworld.com/data/archives.aspx?RaceId=BT0506SWRLCP09SWMS

[12] ttps://data.biathlonworld.com/data/archives.aspx?IbuId=BTGER21511197001

[13] Mitteilung der ARD über die Verpflichtung von Disl als TV-Experten

[14] ttps://www.biathlon-online.de/index.php?option=com_content&task=view&id=3695 van 1. September 2009, Kurzmeldungen: u. a. Disl beendet Moderatorenjob, afropen an' 1. September 2009

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]