Turks- un Caicosinseln
| |||||
Wahlspröök: keen Motto | |||||
Natschonalhymne: God Save the King | |||||
![]() | |||||
Hööftstadt | Cockburn Town up Grand Turk 21° 28′ N, 71° 8′ W | ||||
Gröttste Stadt | |||||
Amtsspraak | Engelsch | ||||
Regeren König Gouverneur Premierministerin |
Konstitutschonelle Monarkie Charles III. Nigel Dakin Sharlene Cartwright-Robinson | ||||
Sülvstännigkeit |
1. November 1981 vun Grootbritannien | ||||
Grött • Allens • Water (%) |
403 km² ? % | ||||
Inwahnertall • 2006 afschätzt • Inwahnerdicht |
bi 33.000 (Stand Enne 2006) 155,4/km² | ||||
Geldsoort | US-Dollar ([[ISO 4217|]] )
| ||||
BBP | 1.089 Mio. US$ (159.) $ (2007) 13.092 US$ (46.) $ je Kopp | ||||
Tietzoon | UTC-4 (UTC-4) | ||||
Internet-TLD | .tc | ||||
ISO 3166 | TC | ||||
Vörwahl | ++1 (649) kiek bi NANP
| ||||
![]() |
De Turks- un Caicosinseln, towielen ok bloß man Turks & Caicos, höört to de Brittschen Överseekuntreien. Se liggt in'n Atlantik un bestaht ut twee Inselgruppen: De Turks- un de Caicos-Eilannen.
Geographie
[ännern | Bornkood ännern]All tohopen sünd de Eilannen bi 430 km² groot. Ofschoonst se, na de Geographie hen, in'n Atlantik liggen doot, weert se noch to de Karibische See mit torekent. De beiden lüttjen Inselgruppen sünd dat süüdöstliche Eck vun de Bahamas un liggt in'n Norden vun Haiti.
Inwahners
[ännern | Bornkood ännern]Al tohopen hefft in dat Johr 2006 bi 33.000 Inwahners up de Eilannen leevt. Se nömmt sik sülms Belongers un stammt vun Slaven ut Afrika af. Dor kümmt noch eene lüttje Grupp vun Inwahners ut de verschedenen Länner in Europa.
Geschichte
[ännern | Bornkood ännern]De Naam kümmt up de eene Siet vun den Törkenkopp-Kaktus her, de up de Eilannen tohuse is un up de annere Siet vun dat Woort, wat in de Indianer-Spraak vun de Lucayan „Inselkeed“ heten deit. An un for sik hefft de Arawak-Indianers up de Eilannen leevt, man wohrschienlich sünd later de Lucayan kamen un hefft jem an'n Rand schaven. Al in de Midden vun dat 16. Johrhunnert sünd de Indianers dor utsturven. Dat heet an Süken legen un an de Slaveree.
Wat de Europäers angeiht, de de Inseln toeerst funnen hefft, so warrt hüdigendags meist annahmen, Juan Ponce de León weer dor as eersten henkamen. Dat schall in dat Johr 1513 ween hebben. In dat 17. Johrhunnert sünd de Eilannen denn vun Bermuda ut besiedelt wurrn. Later hefft de Spaniers, de Franzosen un de Briten dor dat Seggen harrt. Vun 1776 bit 1848 hefft se to de brittsche Bahamas-Kolonie tohöört un vun 1848 bit 1959 sünd se en Deel vun Jamaika ween, wat dormols ok to Grootbritannien tohöörn dö. 1959 sünd se denn to en egene Kolonie verklaart wurrn.
Wat in de lesten Johre passeert is
[ännern | Bornkood ännern]Vun um un bi 1976 af an is jummers mol wedder versöcht wurrn, unafhängig to weern, man vun 1982 af an hett man vun so'n Versöke nix mehr höört. 1974 is to'n eersten Mol vun dat Parlament vun Kanada anstreevt wurrn, de Eilannen as ölbente Provinz in den Statenbund vun Kanada up to nehmen.[1][2] Man de Vörslääg för de nödigen Wetten hefft keen Mehrheit kregen un so is dor nix vun wurrn. Vun 2003 af an is dat woller mol versöcht wurrn, man dat is nich eenfach. Eerst mol möss dat Vereenigte Königriek de Inseln in de Unafhängigkeit free laten un denn möss ok noch jede enkelte vun de Provinzen in Kanada tostimmen. Dat is avers unwohrschienlich vunwegen den Striet in Kanada twuschen de Provinzen.
In'n September 2008 sünd de Eilannen kort achter'nanner vun de Hurrikans Hanna un Ike drapen wurrn. Sunnerlich de Turksinseln un South Caicos sund dor duchtig in Dutt bi gahn.[3][4]
In'n August 2009 hett dat brittsche Butenministerium verklaart, datt de Regeerung vun de Turks- un Caicosinseln afsett wurrn weer. Dat Parlament is uplööst wurrn un de Verfaten, de dat regeln deit, wie dat Land gegen Grootbritannien över unafhängig is, is buten Kraft sett wurrn. Grund för düssen Schandaal weer, datt de Regeerung vörsmeten wurrn is, se harr sik smeren laten. De Amtsgeschäfte weert nu vun den brittschen Gouverneur Gordon Wetherell wohrnahmen. Dor schall dat eerst mol för twee Johre bi blieven. De vörmolige Premierminister Galmo Williams hett de Regeerung in London vörsmeten, se woll ut de Eilannen wedder en Kolonie maken, as fröher. Butendem harr se dat EU-Recht braken.[5]
Belege
[ännern | Bornkood ännern]- ↑ http://laender-lexikon.com/fturksca.htm
- ↑ http://www.canadiancontent.net/commtr/turks-caicos-move-join-canada_676.html
- ↑ Times-Online am 8. September 2008
- ↑ Turks and Caicos Weekly News
- ↑ Karibikinseln Turks & Caicos. Briten putschen im eigenen Paradies. Spiegel Online, 15. August 2009
Weblenken
[ännern | Bornkood ännern]- Webstäe vun de Turks- un Caicosinseln
- Informatschonen vun dat Utwärtige Amt över de Eilannen
- Artikel över de Turks and Caicos Islands
Antigua un Barbuda | Bahamas | Barbados | Dominica | Dominikaansche Republiek | Grenada | Haiti | Jamaika | Kuba | St. Kitts un Nevis | St. Lucia | St. Vincent un de Grenadinen | Trinidad un Tobago
Afhängige Rebeden: Amerikaansche Jumferninseln | Anguilla | Aruba | Britsche Jumferninseln | Curaçao | Guadeloupe | Kaimaninseln | Martinique | Montserrat | Navassa | Puerto Rico | St. Maarten | Turks- un Caicosinseln
Landsdelen: England | Noordirland | Schottland | Wales |
Britsche Överseekuntreien: Anguilla | Bermuda | Britsche Jumferninseln | Britsch Antarktis-Territorium | Britsch Territorium in’n Indischen Ozean | Falklandinseln | Gibraltar | Kaimaninseln | Montserrat | Pitcairninseln | Souveräne Militärbasen Akrotiri un Dekelia | St. Helena, Ascension un Tristan da Cunha | Süüdgeorgien un de Süüdlichen Sandwichinseln | Turks- un Caicosinseln