Taaken
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 372 | |
| Hööchd: | 31 m över NN | |
| Postleettall: | 27367 | |
| Vörwahl: | 04264, 04288 | |
| Geograafsche Laag: | Koordinaten:53° 9′ N, 9° 12′ O53° 9′ N, 9° 12′ O | |
|
| ||
Taaken (hoochdüütsch Taaken) is en Dörp in de Gemeen Reeßen (Samtgemeen Söttmer) in’n Landkreis Rodenborg, Neddersassen.
Bi Taaken höört von öllers ok de Oort Bittst mit bi.
Geografie
[ännern | Bornkood ännern]Dat Water ut’n Westen von Taaken flütt över Gravens na de Otterster Beek hen af un ut’n Oosten na de Wiest.
De Naveröörd sünd Stapel in’n Noorden, Horß in’n Noordoosten, Bittst in’n Oosten, Sleßel un Clüversbossel in’n Süüdoosten, Reeßen in’n Süden, Northauen in’n Westen un Benkel in’n Noordwesten.
Historie
[ännern | Bornkood ännern]Taaken kummt 1437 as Tho Taken toeerst in de Oorkunnen vör.
In’n Eersten Weltkrieg sünd negen Soldaten ut Taaken fullen oder vermisst un in’n Tweten Weltkrieg 19.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie Otterbarg in dat Amt Otterbarg tohöört un denn von 1859 bet 1885 to dat Amt Rodenborg. Na 1885 weer dat in’n Kreis Rodenborg, de 1977 mit’n Landkreis Bremervöör tohoopgahn is un den hüdigen Landkreis Rodenborg billt hett.
De Gemeen Taaken is 1969 Maat von de Samtgemeen Söttmer worrn un an’n 1. März 1974 mit de Gemeenreform in Neddersassen Deel von de Gemeen Reeßen.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 19 Füürsteden |
| 1812[3] | 128 |
| 1824[4] | 33 Füürsteden |
| 1848[5] | 226 Lüüd, 43 Hüüs |
| 1. Dezember 1871[6] | 252 Lüüd, 43 Hüüs |
| 1. Dezember 1885[7] | 203 Lüüd, 40 Hüüs |
| 1. Dezember 1905[8] | 218 Lüüd, 41 Hüüs |
| 1. Dezember 1910[9] | 279 |
| 1925[10] | 298 |
| 1933[10] | 286 |
| 1939[10] | 291 |
Religion
[ännern | Bornkood ännern]Taaken is evangeelsch-luthersch präägt un höört to dat Kaspel von de Johannes-de-Döper-Kark in Horß. Düsse Kark is 1963 boot un 1989 as Karkengemeen egenstännig worrn. Vörher hett Taaken to dat Kaspel von de Georg-Kark in Söttmer höört.
För de Kathoolschen is de Corpus-Christi-Kark in Rodenborg tostännig.
Börgermeesters
[ännern | Bornkood ännern]Börgermeesters
[ännern | Bornkood ännern]| Tied | Naam |
|---|---|
| –1860 | Hinrich Müller |
| 1860–1871 | Friedrich Tietjen |
| 1871–1877 | Hinrich Röhrs |
| 1877–1890 | Hermann Schlobohm |
| 1890–1892 | Cord Köhnken |
| 1892–1897 | Hermann Schlobohm |
| 1897–1904 | Hinrich Schloen |
| 1904–1922 | Hinrich Engelken |
| 1922–1927 | Johann Köhnken |
| 1927–1932 | Albert Junge |
| 1935–1945 | Johann Holsten |
| 1945 | Johannes Otten |
| 1945–1946 | Hinrich Heitmann |
| 1946–1951 | Hinrich Kahrs |
| 1951–1952 | Johann Holsten |
| 1952–1968 | Hinrich Engelken |
| 1968–1974 | Wilhelm Schröder |
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht op’n Karkhoff. Dat Denkmaal is ok för de 17 Fullenen ut’n Tweten Weltkrieg dor, de ehr Familien as Verdrevene in Taaken ünnerkamen sünd.
Verenen
[ännern | Bornkood ännern]De Schüttenvereen Taaken is 1907 grünnt worrn un de Sportvereen Taaken 1990. Vörher harr dat al in de Johren 1930 bet 1950 un von 1957 bet 1964 en Sportvereen geven.
Weertschop un Infrastruktur
[ännern | Bornkood ännern]Taaken hett en egene freewillige Füürwehr, de 1935 grünnt worrn is.
Verkehr
[ännern | Bornkood ännern]In Taaken draapt sik de Kreisstraten K 201, K 202 un K 203. De K 201 geiht in’n Süden na Söttmer an de Bundsstraat 75 un in’n Noordwesten na Horß. De K 202 löppt in’n Süüdwesten na Northauen un Otterst an de Landsstraat 132 un in’n Süüdoosten na Bittst, Sleßel, Höperhöben un Boitzen. De K 203 föhrt in’n Noorden na Stapel.
De nächste Autobahn is de Autobahn 1 (Afsnidd Hamborg–Bremen). De Opfohrt 50 Stuckenbossel liggt so söven Kilometer in’n Süden von Taaken an de B 75.
De nächste Bahnhoff is so bi söven Kilometer wied weg in’n Süden de Bahnhoff Söttmer an de Bahnlien Hamborg–Bremen.
Scholen
[ännern | Bornkood ännern]Över de eerste Tied von de School in Taaken sünd keen Ünnerlagen mehr vörhannen. Toeerst in Ünnerlagen dükert de School 1851 op, hett do aver woll al länger bestahn. 1854 is en neet Schoolhuus boot worrn un 1953 wedder. 1974 hett de School denn dichtmaakt un de Kinner gaht nu na de Grundschool Horß.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 225
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 594
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]- Websteed över dat Dörp (hoochdüütsch)