Stanislav Bogdanovich
Erscheinungsbild
![](http://upload.wikimedia.org/wikipedia/commons/thumb/0/08/Stanislav_Bogdanovich_2014.jpg/220px-Stanislav_Bogdanovich_2014.jpg)
Stanislav Eduardovich Bogdanovich (* 4. Februar 1993 in Odessa; † 5. März 2020 in Moskau) weer en ukrainsch Schachspeler, de aber ok för Russland antreeden is.
In dat Johr 2009 wurr he Internatschonaler Meester, 2017 kreeg he van de FIDE den Grootmeestertitel tospraaken.
Sien gröttste Erfolge
[ännern | Bornkood ännern]- Sülver-Medaille bi de U-12 Europameesterschap
- U-18-Meester van de Ukraine
- Meester van Odessa (2010)
- Meester in’n Blitzschach van de Ukraine (2013)
Bogdanovich harr en Afsluss van de Universität van Odessa. Sien hööchste Elo-Tall bedroog 2616, de he in’n September 2019 recken dee. Besünners stark weer he in’n Blitzschach. Bogdanovich is an’n 5. März 2020 in sien Wahnen in Moskau to Dood kommen, nahdem he Lachgas inaamt harr. Ok sien Früendin Alexandra Vernigora, ebenfalls en goot Schachspelerin, is dor dood upfunnen wurrn. [1]