Samtgemeen Land Wusten
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Dorum | |
| Landkreis: | Cuxhoben | |
| Flach: | 116,97 km² | |
| Inwahners: | 9.585 (31. Dezember 2011) | |
| Inwahnerdicht: | 81,9 Inwahners pro km² | |
| Geograafsche Laag: | 53° 41′ N, 8° 34′ O | |
| Gemeenslötel: | 03 3 52 5408 | |
| Tall Gemenen: | 7 | |
| Websteed: | www.sglandwursten.de | |
 | ||
De Samtgemeen Land Wusten weer en Samtgemeen in’n Landkreis Cuxhoben, in de sik söven Gemenen för dat Afwickeln vun de Verwaltenssaken tohoopslaten harrn.
Geografie
[ännern | Bornkood ännern]De Samtgemeen weer an de Noordsee, de na Westen hen to leeg. Dat Rebeed is to’n groten Deel Masch, in de Gemeen Millm deelwies ok Geest, de bet to 21 m över NN hoog reckt.
De Samtgemeen Land Wusten hett in’n Noorden an de Gemeen Noordholt grenzt, in’n Oosten un Süden an de Gemeen Langen.
Historie
[ännern | Bornkood ännern]De Samtgemeen is an’n 1. März 1974 billt worrn. To’n 1. Januar 2015 hebbt sik de Gemenen in de Samtgemeen mit de Gemeen Noordholt tohoopslaten un denn de Gemeen Wuster Noordseeküst billt. De Samtgemeen sülvs is dorbi oplööst worrn.
Inwahnertall
[ännern | Bornkood ännern]| Johr | Inwahners |
|---|---|
| 31. Dezember 2004 | 9.730 |
| 31. Dezember 2011 | 9.585 |
Politik
[ännern | Bornkood ännern]To de Samtgemeen hebbt düsse söven Gemenen höört:
- Gemeen Cappel
- Gemeen Dorum (Sitt vun de Verwalten)
- Gemeen Millm
- Gemeen Misselwarden
- Gemeen Mulsen
- Gemeen Padingbüddel
- Gemeen Wremen
Samtgemeenraat
[ännern | Bornkood ännern]De Samtgemeenraat vun de Gemeen bestünn toletzt blangen den Samtgemeenbörgermeester ut 24 wählte Raatsliddmaten. De letzte Kommunalwahl weer an’n 11. September 2011:
| Partei | 2001 | 2006 | 2011 |
|---|---|---|---|
| SPD | 13 | 10 | 9 |
| CDU | 11 | 10 | 10 |
| Wuster List | - | - | 4 |
| De Linke | - | 1 | 1 |
| FDP | - | 1 | - |
| Millmer List | - | 2 | - |
Samtgemeenbörgermeesters
[ännern | Bornkood ännern]| Börgermeester | Tied | Partei |
|---|---|---|
| Wolf-Dieter Lutz | 1976-1981 | SPD |
| Wolfgang Neumann | -31. Dezember 2014 | CDU |
De letzte Samtgemeenbörgermeester weer Wolfgang Neumann.
Wapen
[ännern | Bornkood ännern]Dat Wapen wiest vörn op gollen Grund halv en swarten Aadler mit roden Snavel, Tung un Klau un achtern op grönen Grund en sülvern Wellenlien in’n Schildkopp un dor ünner söven gollen Kleverbläder.
De Aadler is en Symbol för de Fresen, de in dat Land Wusten siedelt hebbt (Wusterfresen). De gröne Grundfarv von dat twete Feld steiht för de Masch, de Wellenlien för de Beken un Gravens. De Kleverbläder staht för de Bueree un de Tall söven för de söven Gemenen, de sik in de Samtgemeen tohoopslaten hebbt.
Partnerschoppen
[ännern | Bornkood ännern]De Samtgemeen hett an’n 5. Mai 2005 en Partnerschop mit Ploeren in Frankriek slaten.
Weblenken
[ännern | Bornkood ännern]
Samtgemeen Land Wusten. Mehr Biller, Videos oder Audiodateien to’t Thema gifft dat bi Wikimedia Commons.
- Websteed vun de Samtgemeen (hoochdüütsch)