Rudolf Robbert

Rudolf Robbert (* 25. März 1947 in Witten) is en düütschen Politiker von de SPD.

Robbert is 1947 in Witten boren. Na dat Abitur un den Wehrdeenst hett he von 1968 bet 1972 an de Pädagoogsche Hoogschool Ruhr und de Pädagoogsche Hoogschool Rhienland studeert. He weer denn bet 1976 Pädagoog in en Kinnerheim in Schwelm. Von 1976 bet to siene Wahl in’n Landdag von Neddersassen weer he Baas von en Kita in Cuxhoben.

Robbert is 1972 in de SPD rin. He is Maat in’n Vörstand von’n SPD-Bezirk Noord-Neddersassen. 1991 is he Maat von’n Oortsraad Sahlenborg worrn un is dor Viez-Oortsbörgermeester. 1991 is he as Afornten in’n Kreisdag von’n Landkreis Cuxhoben wählt worrn un is siet 2001 in’n Stadtraad von de Stadt Cuxhoben. Von 1998 bet 2003 un wedder von 2004 bet 2008 (14. un 15. Wahlperiood) weer Robbert Maat von’n Landdag von Neddersassen. In de 14. Wahlperiood is he mit 50,9 % von de Stimmen för den Wahlkreis Cuxhoben in’n Landdag intagen. In de 15. Wahlperiood kunn he sik in’n Wahlkreis Cuxhoben mit 36,2 % von de Stimmen nich gegen Hans-Christian Biallas von de CDU dörsetten un is nich in’n Landdag intagen. Eerst an’n 23. Juni 2004 is he över de Landslist narückt, nadem Gitta Trauernicht ehr Mandaat dalleggt harr (se is Sozialministerin in Sleswig-Holsteen worrn).

Robbert is verheiraadt un hett dree Kinner.