Rod Laver
![](http://upload.wikimedia.org/wikipedia/commons/thumb/b/b4/Rod_Laver.jpg/220px-Rod_Laver.jpg)
Rang | Tennisspeler | Tall |
---|---|---|
1. | ![]() |
16 |
2. | ![]() |
14 |
3. | ![]() |
12 |
4. | ![]() |
11 |
![]() | ||
6. | ![]() |
10 |
Stand: 31. Januar 2010 |
Rodney George Laver, bekannt as Rod Laver (* 9. August 1938 in Rockhampton), is en ehmoligen austraalschen Tennisspeler.
Tennis-Loopbahn
[ännern | Bornkood ännern]Laver, de twüschen 1963 un 1967 as professchonellen Tennisspeler nich bi Grand-Slam-Turneren mitmaklen dröfft hett, weer 1962 de tweete Speler na Donald Budge, de all veer Turneren vun de Reeg in een Saison winnen künn. Man, he is de eenzige Speler in de Historie vun’t Tennis, de dat noch en tweet mol (1969) in sien Loopbahn henkregen hett. Sünners wegen dissen Spood gellt Laver as een vun de besten Spelers vun de laten 1950er un 1960er Johren un bito ok as een vun de besten Spelers vun all Tieten. In sien Tennisloopbahn, de 23 Johren anduert hett, hett Laver mehr as 160 Enkelttitels wunnen, vun de aver blots 39 in de offiziellen ATP-Statistik opföhrt warrt. Dorünner weern 11 Grand-Slam-Turneren in’t Enkelt un 6 Grand-Slam-Titel in’t Dubbel.
Laver hett al as jungen Speler Acht op sik togen, as he 1956 mit 17 Johren de US-Junior Championships wunnen hett. Dat duer dree Johren, bit he ok bi de Tour för de Mannslüüd eersten groten Spood harr, as he 1959 an’t Endspeel in Wimbledon deelnehmen künn. Dat he to de besten Spelers tellt warrn müss, weer opletzt klor bi sien Sieg vun de Australien Open in’t Johr 1960 in’t Enkelt, man ok in’t Dubbel. De wietere Verloop vun de Saison hett dat ünnerstreken, as he in Wimbledon un bi de US Open ok wedder in’t Endspeel keem, dor aver sien Spelen verloren hett. In de Saison 1961 weer he wedder dreemol Grand-Slam-Turneren in’t Endspeel un hett in Wimbledon ok wunnen. De Saison 1962 weer mit Afstand de beste in Laver sien Loopbahn: An’t Enn vun de Saison harr he 21 Turneren wunnen, dorünner all veer Grand-Slam-Turneren, so dat Laver veeruntwintig Johren na Donald Budge de tweete Speler weer, de den Grand Slam maakt hett.
Johr | Tennisspeler(in) | Wettstriet |
---|---|---|
1938 | ![]() |
Mannslüüd, Enkelt |
1951 | ![]() ![]() |
Mannslüüd, Dubbel |
1953 | ![]() |
Fronslüüd, Enkelt |
1962 | ![]() |
Mannslüüd, Enkelt |
1963 | ![]() ![]() |
Mixed |
1969 | ![]() |
Mannslüüd, Enkelt |
1970 | ![]() |
Fronslüüd, Enkelt |
1984 | ![]() ![]() |
Fronslüüd, Dubbel |
1988 | ![]() |
Fronslüüd, Enkelt (Golden Slam) |
Na’t Winnen vun’n Grand-Slam is Laver 1963 in de Profitour wesselt mit de Naklapp, dat he to’n Anfang vun de Saison nich mehr an Grand-Slam-Turneren deelnehmen dröfft hett. Facklüüd gaht dorvun ut, dat Rod Laver düütlich mehr Grand-Slam-Titels wunnen harr, wenn he wieter bi de Amateur-Tour mitmaakt harr. In de Johren dorna hett Laver vele grote Spelen mit de Stars vun de Profitour wiest, sünners mit sien Landsmann Ken Rosewall un den US-Amerikaner Pancho Gonzales, de in de letzten Johren de Profitour beherrscht harr. To Anfang weer em dat noch Swoor fallen, op de Profi-Tour to bestahn, man bald harr he ok dor groten Spood un künn ünner annern fiefmol de US Pro Singles winnen.
In’t Johr 1968 weern to’n eersten mol wedder Profispelers bi de Grand-Slam-Turneeren verlööft, an de Laver denn ok wedder deelnehmen de. He speel sik gau ok wedder bit in de Endspelen vun Wimbledon un vun de French Open. Wiel he in Roland Garosse vun Ken Rosewall slahn worrn is, hett he sik in Wimbledon dat Johr to’n drüdden mol den Titel holt. In’t Johr 1969 hett he to’n tweeten mol den Grand Slam maakt, wat in’n histoorschen Sinn noch mehr weert weer as sien eersten Grand Slam, vun wegen dat he sik ditmol ok gegen de Gegners ut de Profitour dörsetten müss. In de folgen Johren hett Laver regelmatig wietere Turneren wunnen, man Titels bi Grand-Slam-Turneren geev dat för em nich mehr. As in’t Johr 1973 de offizielle Tennisweltranglist inföhrt worrn is, hett Laver sik bit op Platz 3 hoochspelen künnt. Bit 1975 bleev he een vun de besten teihn Spelers.
In’t Johr 1973 hett Laver de Austraalsche Mannschop to’n fööften mol in sien Loopbahn ok to’n Spood bi’n Davis Cup föhrt. Dorför harr he mit sien Mannschop al vun 1959 bit 1962 veermol achterenanner wunnen. 1981 is Rod Laver in de International Tennis Hall of Fame opnahmen worrn, 2000 is na ehm de Rod Laver Arena in Melbourne nöömt worrn. Dat is de Center Court bi de Australian Open.
Wunnen Grand-Slam-Turneren
[ännern | Bornkood ännern]Johr | Turneer | Finalgegner | Ennresultat |
---|---|---|---|
1960 | Australian Open | ![]() |
5-7, 3-6, 6-3, 8-6, 8-6 |
1961 | Wimbledon | ![]() |
6-3, 6-1, 6-4 |
1962 | Australian Open | ![]() |
8-6, 0-6, 6-4, 6-4 |
1962 | French Open | ![]() |
3-6, 2-6, 6-3, 9-7, 6-2 |
1962 | Wimbledon | ![]() |
6-2, 6-2, 6-1 |
1962 | US Open | ![]() |
6-2, 6-4, 5-7, 6-4 |
1968 | Wimbledon | ![]() |
6-3, 6-4, 6-2 |
1969 | Australian Open | ![]() |
6-3, 6-4, 7-5 |
1969 | French Open | ![]() |
6-4, 6-3, 6-4 |
1969 | Wimbledon | ![]() |
6-4, 5-7, 6-4, 6-4 |
1969 | US Open | ![]() |
7-9, 6-1, 6-2, 6-2 |
Weblenken
[ännern | Bornkood ännern]- Rod Laver sien ATP-Profil (engelsch)
- Rod Laver sien ITF-Profil (engelsch)
- Davis-Cup-Statistik vun Laver (engelsch)