Kathy Kirby
Kathy Kirby (börgerlich Kathleen O’Rourke; * 20. Oktober 1938 in Ilford, Essex; † 19. Mai 2011[1]) weer en britische Singersche. Se is in de 1960er Johren mit verschedene Titels in ehr Heimatland bekannt worrn un hett 1965 an’n Eurovision Song Contest deelnahmen.
Leven un Wark
[ännern | Bornkood ännern]Fröhe Johren
[ännern | Bornkood ännern]In fröhe Johren is ehr Stimm as en feinen Sopran togang kamen. So hett Kirby beslaten, dat se Opernsingersche warrn wull. As se in’t Ilford Palais den britischen Musiker Bert Ambrose drapen harr, güng dat mit ehr Loopbahn los. Se hett sik sien Musikgrupp anslaten un bleev dree Johren bi jem. Ok later noch weer Ambrose Kirby ehr Manager un Mentor, bit he 1971 doodbleev.
Ehr Utsehn is in’n Verlopp vun de Tiet to ehr Markenteken worrn. De Lippen hett se sik knallroot sminkt un ehr Hoor weern so blondeert, dat se faken mit Marilyn Monroe vergleken worrn is. Dat hett ehr den Ökelnaam Blonde Bombshell inbröcht. In de Johren 1963 un 1964 weer se mit veer Hits in de Top20 vun de britischen Charts. An meisten Spood harr ehr Coverfaten vun Secret Love, dat Doris Day inst sungen hett.
Eurovision Song Contest
[ännern | Bornkood ännern]Kirby weer 1965 vun de BBC utwählt, för Grootbritannien an’n Eurovision Song Contest deeltonehmen. As dat in den 1960er un 1970er Johren begäng weer, hett se in en Feernsehnsennen mit dne Titel Song for Europe söss Titel vörstellt. De Tokiekers hebbt dorna mit Postkorten över den besten Titel afstimmt. Butendem sünd all söss Leder vun Katzhy Kirby opnahmen worrn un op en EP ünner den Titel Song for Europe publizeert. Dat Leed I Belong, dat vun Peter Lee Sterling komponeert weer un sien Text vun Phil Peters kregen harr, harr dorbi kloor de meistens Stimmen.
All Leder mit Resultaten[2]
[ännern | Bornkood ännern]| # | Leed | Postkorten | Rang |
|---|---|---|---|
| 1. | I’ll Try Not to Cry | 96.252 | 2 |
| 2. | Sometimes | ? | 6 |
| 3. | My Only Love | 61.993 | 3 |
| 4. | I Won’t Let You Go | ? | 5 |
| 5. | One Day | ? | 4 |
| 6. | I Belong | 110.945 | 1 |
Bi den Contest in Neapel is Kirby mit ehrn Bidrag op’n tweeten Rang kamen – achter France Gall, de mit 26 Punkten för Luxemborg wunnen hett. Se hett för’t Andenken an dat Gastgeverland Italien later ok en italieensche Faten vun ehr Leed opnahmen.
De lateren Johren
[ännern | Bornkood ännern]I Belong weer Kirby ehr letzte Single, de in de britischen Verkoopscharts kamen is. Twüschen 1967 un 1973 hett se wietere twölf Singles opnahmen un ok noch een Album. An den Spood vun fröher keem se dormit aver nich mehr ran. In de 1970er Johren harr se noch verschedene Feernsehoptreden.
In de 1970er Johren sünd den finanzielle un gesundheitliche Lasten bekannt worrn. Man, dat hett ehr nich dorvun afhollen, in’t Feernsehn optotreden. In de fröhen 1980er Johren geev se aver bekannt, dat se sik ut dat Showgewarf torüchtehn wull. Se leev dorna bit to ehrn Dood in’t Johr 2011 in London. 2005 stünn se nochmol wedder in’t Licht, as ehr Biografie Secrets, Loves and Lip Gloss tosamen mit ehr offizielle Websteed publiek maakt weern.
Diskografie
[ännern | Bornkood ännern]Singles
[ännern | Bornkood ännern]| Johr | Titel | B-Siet | UK-Charts |
|---|---|---|---|
| 1960 | Love can be | Crush me | - |
| 1961 | Danny | Now you’re crying | - |
| 1962 | Big Man | Slowly | - |
| 1963 | Dance on | Playboy | 11 |
| 1963 | Secret love | You have to want to love him | 4 |
| 1964 | Let me go lover | The sweetest sounds | 10 |
| 1964 | You’re the one | Love me baby | 17 |
| 1964 | Don’t walk away | No regrets | - |
| 1965 | I belong | I’ll try not to cry | 36 |
| 1965 | The way of love | Oh darling, how I miss you | - |
| 1965 | Where in the world | That wonderful feeling of love | - |
| 1966 | Spanish flea | Till the end of time | - |
| 1966 | Adam Adament | Will I never learn | - |
| 1967 | No one's gonny hurt you | My yiddishe Momma | - |
| 1967 | In all the world | Time | - |
| 1967 | Turn around | Golden days | - |
| 1968 | I almost called your name | Let the music start | - |
| 1968 | Come back here with my heart | Antonio | - |
| 1969 | I’ll catch the sun | Please help me, I’m falling | - |
| 1969 | Is that all there is | Knowing when to leave | - |
| 1970 | My way | Little green apples | - |
| 1970 | Wheel of fortune | Lucky | - |
| 1971 | So here I go | Yes – I’ve got | - |
| 1972 | Do you really have a heart | Dream on, dreamer | - |
| 1973 | Here, there and everywhere | Little song for you | - |
| 1973 | Singer with the band | Hello morning | - |
| 1976 | My prayer | Nobody loves me like you do | - |
| 1976 | He | Nobody loves me like you do | - |
Alben
[ännern | Bornkood ännern]| Johr | Titel |
|---|---|
| 1963 | 16 hits from stars and garters |
| 1965 | Makesomeone happy |
| 1967 | Best of Kathy Kirby |
| 1968 | My thanks to you |
| 1970 | The world of Kathy Kirby |
| 1964 | Let me sing and I’m happy |
Bito sünd vun ehr tallrieke EPs, CDs un Compilations rutkamen.
Weblenken
[ännern | Bornkood ännern]- Offizielle Websteed
- Engelsche Fansteed
- Literatur vun un över Kathy Kirby in’n Kataloog vun de Düütschen Natschonalbökeree
- Kathy Kirby in de Internet Movie Database (engelsch)
Borns
[ännern | Bornkood ännern]- ↑ Singer Kathy Kirby dies aged 72 afropen an’n 20. Mai 2011
- ↑ http://www.geocities.ws/national_finals_50s_60s/UK1965.html