Kanton Jörk

De Kanton Jörk weer as Kanton en Verwaltungsrebeed in de Franzosentied (1810-1813). De Seet weer Jörk.

Historie

Dat Rebeed weer vörher in dat Hertogdom Bremen (Kurförstendom Hannover) un hett dor to dat Grevengericht Oolland höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Jörk een von de 16 Kantons in’n Distrikt Stood von dat Departement von de Elv- un Wersermünn. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Jörk weer nu een von de teihn Kantons, ut de de Distrikt Stood in dat Departement von de Elvmünnen tohoopsett weer.

In’n Harvst 1813 hebbt de Russen de Franzosen slahn un dat Rebeed befreet. Dat Kurförstendom Hannover is denn 1813/1814 wedder herstellt worrn un de ole Stand von vör 1810 wedder dor.

Kantons

Königriek Westfalen

De Kanton weer indeelt in söss Mairien:

• Mairie Jörk: Jörk
• Mairie Loodkup: Loodkup
• Mairie Bossel: Bossel, Hahnöver
• Mairie Cranz: Cranz, Leeswig
• Mairie Königriek: Königriek
• Mairie Moorenn-Westsied: Moorenn-Westsied

Kaiserriek Frankriek

De Kanton harr 8945 Inwahners un weer indeelt in veer Mairien:

• Mairie Jörk
• Mairie Mittelskark
• Mairie Steenkark
• Mairie Hullern-Twielenfleet

Footnoten

Kantons in’n Distrikt Stood (Königriek Westfalen, 1810–1811)

Drochters | Freeborg | Harsfeld | Himmelpoorten | Hornborg | Jörk | Loomst | Neehuus | Neenkarken | Öberndörp | Oosten | Oterndörp | Steenkark | Stood | Sürsen | Zeven

 

Kantons in’n Distrikt Stood (Kaiserriek Frankriek, 1811–1813)

Bremervöör | Freeborg | Himmelpoorten | Hornborg | Jörk | Neehuus | Oterndörp | Ritzbüttel | Stood | Zeven