Hilde Sicks
Hilde Sicks (* 25. November 1920 in Hamborg; † 31. Juli 2007 ok dor) weer en düütsche Volksschauspelerin.
Se is besünners bekannt wurrn dör ehr över 250 Rullen an’t Hamborger Ohnsorg-Theater. Wiels disse Stücken ok völ in’t Fernsehen överdragen wurrn sünd, kennt man hör ok in Düütschland.
Hör Utbildung as Schauspelersche hett se 1943 bi Eduard Marks kregen, nahdem se toeerst een koopmännsche Lehre afslooten harr. An 6. Oktober 1945 harr se in dat Stück De politisch Kannengeeter ehr eerste Uptreden in’t Ohnsorg-Theater; in de Rull muss se blots söss Satzen snacken. Een Johr later spöl se aber al de Hööftrull. To Tiet is se de öllste aktiv Ensemblelidmaat. In de Stück De Queen vun Quekenbüttel hett se in Februar 2006 ehr 60. Böhnenjubliäum an’t Ohnsorg-Theater fiert.
Se weer ok faken in Fernsehprodukschonen dorbi. Besünners bekannt is se mit de Rull as Weertsfru van de NDR-Serie Haifischbar un as Oma Anni in de Feernseh-Kummedie Die Ohnsorgs.
An 7. Januar 2001 hett se van de Senat der Freien und Hansestadt Hamborg de Biermann-Ratjen-Medaille för ehr künstlerisch Verdeensten üm de Stadt Hamborg kregen.
Filmografie (Utwahl)
[ännern | Bornkood ännern]| Johr | Titel |
|---|---|
| 1965 | Das schlechte Gewissen, Feernsehn |
| 1966 | Kein Auskommen mit dem Einkommen, Feernsehn |
| 1966 | Diederk soll heiraten, Feernsehn |
| 1966 | Allzumal Sünder, Feernsehn |
| 1968 | Zwei Kisten Rum, Feernsehn |
| 1968 | Die lieben Verwandten, Feernsehn |
| 1970 | Mensch sein muß der Mensch, Feernsehn |
| 1970 | Schmuggelbrüder, Feernsehn |
| 1978 | Der politische Bock, Feernsehn |
| 1981 | Späte Liebe geht ins Geld, Feernsehn |
| 1983 | Bleibt alles in der Familie, Feernsehn |
| 1987 | Was rastet, das kostet, Feernsehn |
| 1988 | Wenn du Geld hast, Feernsehn |
| 1988 | Ein Matjes singt nicht mehr, Feernsehn |
| 1994 | Nebel im Paradies, Feernsehn |
| 2000 | Morgen wird alles anders, Feernsehn |
Weblenken
[ännern | Bornkood ännern]- Hilde Sicks in de Internet Movie Database (engelsch)