Harry Nelson Pillsbury
![](http://upload.wikimedia.org/wikipedia/commons/1/1b/Harrynelsonpillsbury.jpg)
Harry Nelson Pillsbury (* 5. Dezember 1872 in Somerville, Massachusetts; † 17. Juni 1906 in Philadelphia) weer en US-amerikaansch Schachspeler.
Leven
[ännern | Bornkood ännern]Pillsbury hett eerst mit 16 Johren dat Schachspeel lernt, keem aber denn gau vöran.
Sien gröttste Erfolg weer de Sieg in dat internatschonalen Turnier vun Hastings 1895, dat he vör den Weltmeester Emanuel Lasker un de gesamt dormalig Weltelite winnen kunn.
1896 leeg he tietwies in Führung bi dat Meesterturnier in Sankt Petersburg, en Sieg in dit Turnier woll en Match mit Lasker um den Weltmeestertitel bedüüd harr. Aber he verlor de Partie tegen Lasker, wat hüm psychisch ut de Bahn schmeet. He verlor denn fiev vun de letzt acht Partien un keem blots up den darten Platz.
1898 harr he in dat Kaiser-Jubiläums-Turnier in Wien genau so völ Punkte as Siegbert Tarrasch, verlor aber den Steekkamp um den eersten Platz. 1900 belegg he in München punktgliek mit Carl Schlechter un Géza Maróczy Platz 1. Nahdem Maróczy vun dat Steeken um den eersten Platz ut gesundheitlich Grünnen torüchtreden weer, hebbt Pillsbury un Schlechter denn Unentscheeden speelt.
Furore hett he ok mit sien Vörstellungen in dat Blindsimultanspeel makt. Man hett lang annommen, dat de geistig Anstrengungen dorbi to sien fröh Dood mit man blots 33 Johren bidragen hebbt. He is aber tatsächlich an de Folgen vun Syphilis storven.
Sien best Historsch Elo-Tall bedroog 2816. De harr he in‘ Juli 1901. He weer ok över 16 Maand in de Johren 1903 un 1904 de weltbest Schachspeler.
In de Hööftvariante in de Orthodox Verteidigung führt 7. ... b7-b6 nah 8. c4xd5! e6xd5 dör den Upbau Se5, Ld3, f4, 0-0 to’n Pillsbury-Angreep.
Literatur
[ännern | Bornkood ännern]- Jacques N. Pope: Harry Nelson Pillsbury, American chess champion. Pawn Island Press, Ann Arbor 1996.