Ghostbusters II
Filmdaten | |
---|---|
Plattdüütsch Titel: | — |
Originaltitel: | Ghostbusters II |
Düütsch Titel: | Ghostbusters II |
Produkschoonsland: | USA |
Johr vun’t Rutkamen: | 1989 |
Läng: | 104 Minuten |
Originalspraak: | Engelsch |
Öllersfreegaav in Düütschland: | FSK 12 |
Filmkru | |
Speelbaas: | Ivan Reitman |
Dreihbook: | Dan Aykroyd un Harold Ramis |
Produkschoon: | Ivan Reitman, Bernie Brillstein, Joe Medjuck un Michael C. Gross |
Musik: | Randy Edelman |
Kamera: | Michael Chapman |
Snitt: | Donn Cambern, Sheldon Kahn |
Szenenbild: | Bo Welch |
Kledaasch: | Gloria Gresham |
Dorstellers | |
|
Ghostbusters II (op Platt so veel as „Geister-Knackers 2“) is en US-amerikaanschen Science-Fiction-Kummedie ut dat Johr 1989, de de Geschicht vun den Film Ghostbusters vun 1984 wieterföhrt. De Filmkru is to’n groten Deel de glieke.
Inholt
[ännern | Bornkood ännern]De tweete Deel vun Ghostbusters speelt fief Johr na den eersten Deel. Dat geiht dormit los, dat de Kinnerwagen mit dat Baby vun Dana Barrett ahn Kontroll över de Straat rullt un denn op eenmol stahn blifft. Man, dorför gifft dat ken logische Verkloren. Ut den Grund ünnersöökt de Geisterjagers (de aver to de Tiet jehmern Deenst nich utöven drööft), wat passeert is un bohrt en Lock in de 5th Avenue. Dor ünnen finnt se en Stroom vun Sliem vör, de dör en ollen Tunnel vun de New York Pneumatic Railroad fleet. Dummerwies maakt se dorbi en Stroomutfall in New York un lannt dorüm eerstmol vör Gericht. In Gericht steiht en Proov vun de Sliem, de op dat Schimpen vun den Richter reageert un op mol twee böösordige Geisters utspeen deit, de de Richter op’n elektrischen Stohl harr. As de Geisters den Richter drauht, mit em aftoreken, kriegt de Jagers jemehr Lizenz rorüch un se fangt de beiden Geister wedder in.
Mit de Tiet stellt de Geisterjagers fast, dat de Sliemstroom nipp un nau op dat Manhattan Museum of Art toströömt un in’n Tosamenhang steiht mit dat paranomal Bild vun Vigo, en bösen Först ut dat Middelöller. Vigo hett den Museumsdirekter in de Twüschentiet ünner Kontroll bröcht un em opdragen, dat he dat Kind vun Dana roven schall. Vigo bruukt neemlich sien Lief, üm dat he wedder as Herrscher in’t 21. Johrhunnert inteihn kann. Dat sütt meist so ut, as wenn sien Plaan opgeiht – to Neejohr sluut de Sliem dat Museum un vele Wille Geister jaagt dör de Stadt. De Sliem warrt dör de bösen Gedanken vun de New Yorker Inwahners jümmer mehr opheizt.
Üm Vigo tonichten to maken, finnt de Geisterjagers en positiv oplaadte Form vun den Sliem ut un sprütt dormit de Freeheitsstatue vull, üm dormit de goden Gedanken vun de Inwahners to mobiliseeren. Dat haut hen, un so künnt se mit en poor Ümweeg opletzt Vigo dallkriegen un de Welt redden.
Kritiken
[ännern | Bornkood ännern]- Lexikon vun’n internatschonalen Film: Eine ideenarme, humorlose Fortsetzung der beliebten Anti-Geister-Geschichte.
- Cinema: In den Grundzügen der Handlung ist dieses grelle Comic-Abenteuer eine ziemlich genaue Kopie des überaus erfolgreichen ersten Ghostbusters-Films; aufwendige Tricks, Witz und Tempo sorgen dennoch für entsprechenden Unterhaltungswert.[1]
Wietere Delen
[ännern | Bornkood ännern]Bill Murray, Ernie Hudson, Dan Aykroyd un Harold Ramis hebbt sik praat verklort, noch’n wieteren Film in de Reeg to dreihn. In de vörletzten Klennerweek vun 2006 wull Murray butendem mit Sigourney Weaver över en möögliche Rull in den drüdden Deel snacken[2].
Utteken
[ännern | Bornkood ännern]Ghostbusters II is mit twee Filmpriesen uttekent worrn un weer för en drüdden nomineert. Wunnen hett he:
- 1990: den BMI Film Music Award för Randy Edelman.
- 1990: den BMI Film & TV Award in de Kategorie an’n fakensten speelten Filmleed för Antonio Reid, Kenneth Edmonds un Daryl Simmons för dat Leed On Our Own.
Borns
[ännern | Bornkood ännern]- ↑ http://www.cinema.de/film_aktuell/filmdetail/film/?typ=inhalt&film_id=19569
- ↑ http://www.kino.de/news/weaver-jetzt-doch-in-ghostbusters-3/265647.html
Weblenken
[ännern | Bornkood ännern]- Ghostbusters II in de Internet Movie Database (engelsch)
- Kritik op Rotten Tomatoes