Dingsdag
De Ding(e)sdag, ook Deensdag oder Diensdag, Dinskedag Dinsdag un Diesdag, is een Weekdag, un twors de twede na de DIN 1355 un de drütte na de christlich-jödsche Tellwies.
Dat Woort kümmt vun den olen germanschen Gott Tys (Tyr), de meist so wat as de röömsche Gott Mars is. In de alemannschen Spraken heet de Dag Zaischdich oder ok Zischtig un op Ingelsch tuesday, wat op den olen Ziu henwiest.
Dat Teken för Deensdag is ♂, wat ok för den Mann un den Planet Mars steiht.