Bardörp
![](http://upload.wikimedia.org/wikipedia/commons/thumb/d/da/Hamburg_Bezirk_Bergedorf.svg/299px-Hamburg_Bezirk_Bergedorf.svg.png)
Bardörp (hoochdüütsch Bergedorf) is en Stadtdeel un togliek een vun de söven Bezirken vun Hamborg.
![](http://upload.wikimedia.org/wikipedia/commons/thumb/3/38/Hamburg_Bezirke.svg/220px-Hamburg_Bezirke.svg.png)
Geschicht
[ännern | Bornkood ännern]Bardörp (up hochdüütsch Bergedorf) weer freuger en sülvsstannig Stadt. Dat Stadtrecht kreeg Bardörp al 1275. 1420 keem de Stadt ünner de Regeren vun Hamborg un Lübeck togliek. Dat güng so as gemeensom regern bit to den 31.12.1866. Denn heur Bardörp blots noch to Hamborg.
Bezirk
[ännern | Bornkood ännern]De Stadt Bardörp is nu de zentrale Deel vun den Bezirk Bardörp, wo ok Lohbrüch un de Veer- un Marschlanne to heurt.
Un dat sünd in de Veerlannen: Oolgamm, Corslok, Karkwarder, Neegamm und
in de Marschlannen: Allermöh, Billwarder, Moorfleet, Ossenwarder, Reitbrook, Spodenlann un Totenbarg. Un siet 1.1.2011 Neeallermöh.
![](http://upload.wikimedia.org/wikipedia/commons/thumb/a/a7/RK_0604_02301_Schloss_Bergedorf.jpg/220px-RK_0604_02301_Schloss_Bergedorf.jpg)
Eenzig Slott vun Hamborg
[ännern | Bornkood ännern]Mittenmang liggt dat Slott Bardörp in sien Park, wat een Waterslott is un vondaag as een Heimotsmuseum bruukt ward.
Verkehr
[ännern | Bornkood ännern]Bardörp is al siet 1842 an de Isenbohn anslaten. Hüüt geiht vun den Bardörper Bohnhoff de S-Bohn un ok de Ferntöög; vun den oolen Bohnhoff Süd fohrt aff un an ok noch de Museumsbohn mit den Damptoch no Geesthacht. Mannicheen Dag fohrt dor aver ook de Toch mit den Atomschiet lang. De Ennsteed dor is Krümmel. Een vun de öllsten Bohnhöff in Dütschland steiht ok in Bardörp, man dor is hüt een Theoter binnen.
Landschop
[ännern | Bornkood ännern]![](http://upload.wikimedia.org/wikipedia/commons/thumb/9/9a/Hh-bergedorf-billestaudamm.jpg/220px-Hh-bergedorf-billestaudamm.jpg)
De lüttje Fluss, de dörch Bardörp geit, is de Bill. De kummt ut den Sassenwald und un geit in de Elv. Mittenmang in Bardörp is de Bill opstoppt, wiel anners dat Slott drüchfallen deit. Een Deel von dat Water löppt in’t „Schippwater“ un vun dor de „Doove Elv“ daal. De anner Deel geit dörch een Piep ünner de Straten vun Lohbrüch un kummt denn kort för de Heckkoten wedder an ’t Licht un geit denn döch Billwarder no de Elv. Een lütten Hoben gifft dat ook in Bardörp, dor hebbt se freuer Steen un Holt schippert. Hüt liggt door de Barkassen för de Elvschipperee un een poor Freetiedschipper hebbt eer Scheepen ook dor liggen.
Bekannt Lüüd ut de Stadt
[ännern | Bornkood ännern]- Ida Boy-Ed (* 17. April 1852 in Bardörp; † 1928 in Lübeck), düütsch Schrievers
- Johann Adolph Hasse (1699–1783), Komponist
- Hermann Distel (* 5. September 1875 in Weinsberg; † 8. Mai 1945 in Bardörp), Bumeester
Dit un Dat
[ännern | Bornkood ännern]De gootkennte Musiker Johann Adolf Hasse is in 1699 in Bardörp boorn worden, dat Huus, wo sein Moder daalkamen is, steit hüüt noch biesiet von den Bardöper Kark.
De Stadt hett noch een Slag ole Hüüs un süht scheun ut. Toon Bispeel:
![](http://upload.wikimedia.org/wikipedia/commons/thumb/5/5b/Dickkopp_1.jpg/125px-Dickkopp_1.jpg)
De „Willersche Koot“ is 1750 boot worn un heurt hüüt noch de Familie Willers to un door is een Kröger binn. In düsse Huus geev dat freuer een Looden, vun Emma Anna Christine Willers bedreeven. Dorvon kummt de Begreep „Tante Emma Loden“ aff. De oole Baas vun de Bundsregeren, Helmut Schmidt, hett sogor vun düsse Huus in een Rääd bi de Versammeln vun de Düütschen Verköpers snackt.
1962, bi de groote Floot, weern groote Deelen vun de Marschlande affsupen und de Lüüd hefft all tohoop jümmer Sack un Pack verloorn.
Veel Bargen
[ännern | Bornkood ännern]Bardörp heet woll ook Bardörp wiel dat an een, obers ook op ‘n Barg liggt. Un dat gift ok een Pfingstbarg un een Doktorbarg. Op den Barg, den Gojenbarg, gift dat sogor een Hevenkiekeree.
Een Floogplatz het de Bezirk Bardörp ok, de liggt in Bobarg. Dor kummt man bloots Seilfleegers up un dool.
Dat is een Heimat-Museum in Veerlannen.
-
Kokerbockmöhl bie't Rieck-Huus
-
Buernhuus in Corslack, heurt Familie Rieck to.
Hevenkiekeree
[ännern | Bornkood ännern]Und dat sind Billers vun de Hevenkiekeree op den Gojenbarg:
-
De grote Refrakter
-
Dat Huus vun den Meridiankreis
-
De Äquatoriol
-
De Oskar-Lühning-Feernkieker
-
De 1-m-Spegel-Feernkieker
-
Dat Schmidt-Huus mit een Museum binn
-
De Verwalten mit de Böökeree
-
Dat groote Beamtenhuus
-
Översicht vun de Hevenkiekeree
Literatur (hochdüütsch)
[ännern | Bornkood ännern]- Lichtwark-Heft - Dat Kultur-Magazin ut Bardörp, Lohbrüch, de Veer- un Marschlannen. Verlag HB-Werbung, Hamborg-Bardörp. ISSN-Nr.[1] 1862-3549.
Weblenken
[ännern | Bornkood ännern]
Koordinaten:53° 30′ N, 10° 14′ O
Altno | Bardörp | Eimbüddel | Hamborg-Mitt | Hamborg-Noord | Horborg | Wandsbeek
Altno: Altno-Ooltstadt | Altno-Noord | Bohrenfeld | Blanknees | Groot Flottbeek | Iserbrook | Lurup | Neensteden | Osdörp | Othmarschen | Ottensen | Rissen | Steernschanz | Sülldörp
Bardörp: Allermeuh | Bardörp | Billwarder | Corslak | Karkwarder | Lohbrüch | Moorfleet | Neeallermeuh | Neegamm | Oolgamm | Osswarder | Reitbrook | Spodenland | Totenbarg
Eimbüddel: Eidelsteed | Eimbüddel | Harvstehuud | Hogeluft-West | Looksteed | Niendörp | Rothenboom | Snelsen | Stellingen
Hamborg-Mitt: Billbrook | Billsteed | Borgfeld | Finkwarder | HobenCity | Hamborg-Ooltstadt | Hamm | Hammerbrook | Hoorn | Lütt Grasbrook | Neestadt | Neewark | Rodenborgsoort | Steenwarder | St. Georg | St. Pauli | Veddel | Waltershoff | Willemsborg
Hamborg-Noord: Alsterdörp | Barmbeek-Noord | Barmbeek-Süüd | Dulsbarg | Eppendörp | Fuhlsbüddel | Groot Bossel | Hogeluft-Oost | Hogenfell | Langenhoorn | Ohlsdörp | Ulenhorst | Winterhuud
Horborg: Oolwarder | Cranz | Eißendörp | Francop | Goot Moor | Horborg | Huusbrook | Heimfeld | Langenbeek | Marmstörp | Moorborg | Neefeld | Neegroben-Fischbeek | Neeland | Rönnborg | Sinstörp | Wilstörp
Wandsbeek: Bargsteed | Braamfeld | Duvensteed | Eilbeek | Farmsen-Berne | Hummelsbüddel | Jenfeld | Lemsahl-Mellingsteed | Mariendaal | Poppenbüddel | Rahlsteed | Sasel | Steilshoop | Tonndörp | Volksdörp | Wandsbeek | Wellingsbüddel | Wohldörp-Ohlsteed