Atje Keulen-Deelstra
![](http://upload.wikimedia.org/wikipedia/commons/thumb/4/4d/Nederlandse_schaatskampioenschappen_Deventer_dames_en_Atje_Keulen_Deelstra_-_Bestanddeelnr_925-2918.jpg/200px-Nederlandse_schaatskampioenschappen_Deventer_dames_en_Atje_Keulen_Deelstra_-_Bestanddeelnr_925-2918.jpg)
Atje Keulen-Deelstra (* 31. Dezember 1938 in Grouw, Gemeend Boarnsterhim; † 22. Februar 2013 in Leeuwarden) weer en nedderlannsch Iesflinklöperin, de eerst in dat relativ hooch Öller vun 30 Johr den internatschonalen Dörbröök schafft hett.
Biografie
[ännern | Bornkood ännern]All mit 16 Johr wunn se as Atje Keulen de Junioren-Körtbahnmeesterschap vun de Provinz Friesland. To de Tiet hett se aber mehr sportlich Aktivitäten maakt, aber dat Iesflinkloopen stunn vörnan. 1962 hett se Jelle Keulen heiraadt un dat Paar kreeg tüschen 1963 un 1966 dree Kinner. Hör sportlich Loopbahn schien dormit ok vörbi to ween.
Liekers fung se 1967 weer mit dat Training an, ok wenn man hör immer weer seggt hett, dat se nu för den Hoochleistungssport to olt weer. So kreeg se ok eerst mal kien Platz in dat Natschonalteam. Dat hull hör aber nich dorvan af, 1970 de nedderlannsch Mehrkamp-Meesterschap to winnen un dorbi Grötten as Ans Schut un Stien Kaiser achter sück to laaten. In dat glieker Johr wunn se denn ok noch de Mehrkamp-Weltmeesterschap (vör Stien Kaiser un Dianne Holum). Kröönt wurr för hör dat Jahr 1970 mit de Wahl to de nedderlannsch Sportlerin vun dat Johr.
1972, 1973 un 1974 wunn se de nedderlannsch, europääsch un de Weltmeesterschaft in’ Mehrkamp un bi de Olympisch Winterspelen 1972 in Sapporo kunn se över 1.500 m un 3.000 m de Bronzemedaille un över 1.000 m de Sülvermedaille winnen. 1975 is se to dat Iesloop-Marathon wesselt un kunn dor noch veer Mal der nedderlannsch Meesterschap winnen, letztmals 1980 mit nu 42 Johr.
Noch 1997, kört nahdem se bi en Verkehrsunfall versehrt wurrn weer, neem se noch an den Elfstedentocht deel.
Hör Dochter Boukje Keulen wurr ok Iesflinklöperin.