Amt Snevern

Dat Amt Snevern weer en Verwaltungsrebeed in dat Königriek Hannover mit Seet in Snevern binnen de Landdrostie Stood.

Dat Leid över dat Amt harr en Amtmann. In de letzten Johren harr dat Amt Snevern aver keen Amtmann mehr. He is dör en Amtsassesser vertreden worrn.

Historie

Dat Amt Snevern is bi de Verwaltungs- un Justizreform an’n 1. Oktober 1852 in dat Königriek Hannover ut en Deel von dat Amt Rodenborg nee billt worrn ut de Amtsvaagdien Snevern un Neenkerken (Gemenen Snevern, Langloh, Grotenwe, Häbe, Issell, Fintel, Schüllern, Sprengel, Lünzen, Wintemaur, Wessloh, Neenkerken, Behningen, Täwel, Schworgen, Jillhorn, Delsen, Jilbern, Grauen, Brochdörp un Woltern). 1852 harr dat Amt 8120 Inwahners op en Rebeed von 448,38 km².

As Gericht för dat Amt is to’n 1. Oktober 1852 dat Amtsgericht Snevern inricht worrn.

1859 bi de nächste Verwaltungsreform is dat Amt von de Landdrostie Stood an de Landdrostie Lümborg wesselt un dor Deel von dat Amt Soltau worrn. Dat Amt Snevern hett also man söven Johr bestahn.

Amtlüüd

• 1852–1854: Carl Friedrich Wilhelm Flügge, Amtmann
• 1855–1859: Johann Heinrich August Hermann Stuckenschmidt, Amtsassesser

Footnoten

Städer un Ämter in de Landdrostie Stood na 1852

Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven

Hartogdom Veern: Stadt Veern | Amt Rodenborg | Amt Snevern* | Amt Veern

Land Hadeln: Stadt Oterndörp | Amt Oterndörp

* bet 1859