2007 TU24
| 2007 TU24 | |
 | |
| Egenschoppen vun’n Orbit (Simulatschoon) | |
|---|---|
| Orbitklass | NEA (Apollo) |
| Grote Halfass | 2,01 AE |
| Perihel — Aphel | 0,95 — 3,7 AE |
| Bahnexzentrizität | 0,53 |
| Bahnnegen gegen de Ekliptik | 5,8 ° |
| Ümlooptiet | 2,85 a |
| middlere Bahnsnelligkeit | 20,7 km/s |
| Physikaalsch Egenschoppen | |
| Dörmeter | ~0,25 km |
| Rotatschoonsduer | ? h |
| Albedo | ? |
| Historie | |
| opdeckt vun | Catalina Sky Survey |
| an’n | 11. Oktober 2007 |
| in | |
2007 TU24 is en eerdnahen Asteroid, de an’n 11. Oktober 2007 dör den Catalina Sky Survey opdeckt worrn is. Sien Bahn is düchtig elliptisch un reckt bit wiet achter de Bahn vun’n Mars in den Hööftgördel. Sien Perihel liggt binnen de Eerdbahn, womit he to de Grupp vun de Eerdbahnkrüzer tellt warrt, nipp un nau to de Apollo-Asteroiden. Mit sien Dörmeter vun ruchweg 250 Meter is he theoreetsch groot noog, üm bi’n Inslag op de Eer regionale Rebeden verwösten to künnen.
Vörbiflaag an’n 29. Januar 2008
[ännern | Bornkood ännern]
Bi’t Bestimmen vun de Ümloopbahn is faststellt worrn, dat de Asteroid an’n 29. Januar 2008, gegen 9:33 MEZ in’n Afstand vun ruchweg 1,44 Maandbahnradien (ca. 580.000 km) an de Eer vörbiflüggt. Dat is de nöögste Nahkamen vun en bekannten, theoreesch gefährlichen Asteroiden bit 2027.[1] He keem so dicht an de Eer, dat he vun Radioteleskopen aftast un dör Spektralanalysen ünnersöcht warrn künn. Ok mit eenfache Amateurteleskopen kann de Asteroid sehn warrn.
De NASA hett versekert, dat keen Gefahr för de Eer besteiht – ok nich in de neegsten Tokunft.