Distrikt Stood

De Distrikt Stood (oder Arrondissement Stood) weer as Distrikt en Verwaltungsrebeed in de Franzosentied (1810-1813). De Seet weer Stood. Ünnerpräfekt weer Charles-Louis Jules David.

Historie

Dat Rebeed hett vörher to dat Hertogdom Bremen (Kurförstendom Hannover) höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Distrikt Stood een von de dree Distrikte in dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Grenzen von’n Distrikt hebbt sik dorbi ännert. Tokamen is noch dat ole Amt Ritzbüttel, wat vörher Deel von Hamborg weer. De Distrikt Stood weer nu een von de veer Distrikte, ut de dat Departement von de Elvmünnen tohoopsett weer.

1813/1814 sünd de Franzosen slahn un dat Rebeed befreet worrn. Dat Kurförstendom Hannover is denn wedder herstellt worrn un de ole Stand von vör 1810 weer wedder dor.

Kantons

Königriek Westfalen

De Distrikt weer indeelt in 16 Kantons:

• Kanton Oterndörp
• Kanton Neenkarken
• Kanton Neehuus
• Kanton Öberndörp
• Kanton Loomst
• Kanton Oosten
• Kanton Freeborg
• Kanton Drochters
• Kanton Stood
• Kanton Himmelpoorten
• Kanton Steenkark
• Kanton Jörk
• Kanton Hornborg
• Kanton Harsfeld
• Kanton Sürsen
• Kanton Zeven

Franzöösch Kaiserriek

De Distrikt harr 95.442 Inwahners un weer indeelt in teihn Kantons:

• Kanton Bremervöör
• Kanton Freeborg
• Kanton Himmelpoorten
• Kanton Hornborg
• Kanton Jörk
• Kanton Neehuus
• Kanton Oterndörp
• Kanton Ritzbüttel
• Kanton Stood
• Kanton Zeven