Nörg
![](http://upload.wikimedia.org/wikipedia/commons/thumb/8/80/Norg_dorpsgezicht.jpg/300px-Norg_dorpsgezicht.jpg)
Nörg (Nederlaands: Norg) is een esdorp[1] in de gemiente Noordenveld, in de Nederlaandse pervincie Drenthe. 't Lig ten noorden van Zuudvèle en ten zuden van Langel, zo'n 25 kilometer ten zuudwesten van de stad Grunning en 12 kilometer ten noordwesten van de Drèentse heufdstad Assen. In 2021 woonden der 3.745 lu in Nörg (bron: CBS).
An 't begun van de middelieuwen vien ie Nurch of Norche in oorkondes. De oldste essen bij 't dörp bint op 650-750 nao Chr. edateerd. 't Naobijelegen Nörgerholt is een hiele olde bos, waorschienlijk uut de 9de ieuw. Umdet Nörg een karke had, de romanogotische Sunte-Margaretakarke, wördden 't de heufdplaatse van 't gebied det eerst 't karspel Nörg hiette en later de gemiente Nörg wördden.
Töt 1 jannewaori 1998 was Nörg een eigen gemiente, mit de bijbeheurende dörpen Veenhoezen, Ein, Ein-West, Peeist, Westervèle, Langel, Zuudvèle en Hoes ter Heide. Umdet Nörg aordig wat centerije kreeg veur onder meer de gevangenissen in Veenhoezen, de gasopslag bij Langel en de verscheiden netuurgebieden, was 't een relatief rieke gemiente. Sinds de gemientelijke herindieling van Drenthe in 1998 heurt Nörg bij de gemiente Noordenveld, in de maande mit de vroggere naobergemientes Paais en Roon.
Mit name nao de herindieling hef Nörg hum ontwikkeld töt forensenplaatse. In verholding töt 't antal inwoners is der niet veule wark. De mieste inwoners hebt 't wark in grotere plaatsen in de contreien, zoas Roon, Assen, Grunning of Drachten.
Nörg hef twee olde wiendmeules en vief brinken. Netuurgebieden bij 't dörp bint onder meer 't Norgerholt en 't Fochteloërvene.
Rifferenties
[bewark | bronkode bewarken]- ↑ J.T.P. Bijhouwer (1977), Het Nederlandse Landschap, Amsterdam: Kosmos
![]() |
Dit artikel is eschreven in 't Zuudwest-Drèents. |