59-гадовага жыхара гарадскога пасёлка Краснаполле Магілёўскай вобласці ў вельмі цяжкім стане даставілі ў раённую бальніцу, паведамляе прэс-служба Дзяржкамітэта судовых экспертыз.
Фота: freepik.com
Мужчыну без прытомнасці выявіла дома яго жонка. Папярэдне лекары ўстанавілі ў яго атручэнне невядомай атрутай і сутаргавы сіндром. У крыві пацыента таксама знайшлі этылавы спірт у канцэнтрацыі два праміле.
Праз тры дні пасля шпіталізацыі, так і не апрытомнеўшы, мужчына памёр.
Хімічная экспертыза выявіла ў пацыента рэшткі пестыцыдаў — хлорфенвінфоса і цыперметрына, якія шырока прымяняюцца ў сельскай гаспадарцы (напрыклад, для барацьбы з каларадскімі жукамі).
МАК прызнаў легітымнасць Віктара Лукашэнкі і выбараў у НАК Беларусі7
Каментары