Burbone 'e Napule
'A dinastia d''e Burbone 'e Napule, zoè d''e Ddoje Sicilie, fuje nu ramo d''e Burbone, casa riale d''o Regno 'e Napule e d''o Regno 'e Sicilia (po' aunificato comme Regno d''e Ddoje Sicilie) d''o 1734 ô 1861.
Storia
[cagna | cagna surgente]![](http://upload.wikimedia.org/wikipedia/commons/thumb/5/5c/Coat_of_arms_of_the_Kingdom_of_the_Two_Sicilies.svg/220px-Coat_of_arms_of_the_Kingdom_of_the_Two_Sicilies.svg.png)
'O funnatore d''a dinastia fuje Carlo 'e Burbone, rre 'e Napule d''o 1734 ô 1759, figlio 'e Filippo V 'e Spagna (rre 'e Napule e 'e Sicilia d''o 1700 ô 1713, outre ca rre 'e Spagna d''o 1700 ô 1746, e funnatore a vota suja d''a dinastia d''e Burbone 'e Spagna) e d''a taliana Elisavetta Farnese. Carlo avette otto fije. Ô 1759 sagliette ô trono 'e Spagna cu 'o nomme 'e Carlo III, aroppo â morte senza arede d''o fratellastro Fernando VI 'e Spagna e pe' cchesto avette a renunzià ô trono 'e Napule, c'attuccaje ô figlio tierzogeneto Ferdinando ca regnaje â abbiata cu 'o titulo 'e Fernando IV, rre 'e Napule e d'â Sicilia e po', d''o 1816 nfíno â morte, comme Ferdinando I, rre d''e Ddoje Sicilie.
Ll'urtemo rre d'ô Regno d''e Ddoje Sicilie fuje Francesco II, canusciuto pure comme Franceschiello, ca avette a renunzià 'â curona e a 'o titulo a causa 'e ll'envasione d'â Sicilia, e po' d'â parte cuntinentale d'ô regno, pe' mmano 'e Giuseppe Garibaldi a ll'epuca d'ô Resurgimiento.
Sutt'a chesta denastia 'o Regno d''e Ddoje Sicilie arrevaje ô massemo splennore. A ll'epuca d'ô primmo Burbone, Carlo, resaglieno ll'adificazziune d'ê gruosse regge e palazze d'â Campania: Caserta, Reggia 'e Puortece, Capemonte; 'a custruzzione d'ô cchiù antico triato d'opera stabbele ancora funziunante, 'o Triato 'e San Carlo; 'e scupierte 'e ll'arie archeuloggeche 'e Pumpeje e Erculano d'epuca rummana strutte da ll'aruzzione d'ô Vesuvio d'ô 24 'e aùsto 79.
Dinastia
[cagna | cagna surgente]'O primmo Burbone 'ngopp'ô trono 'e Napule e Sicilia fuje Carlo, ca nun ausaje nisciuna 'nnumerazzione pe' sse 'ndecà. 'Int'â ll'anno 1759 renunziaje a 'e ccurone 'e chiste regne pe' addeventà munarca 'e Spagna. Accasato cu' Maria Amalia 'e Sassonia 'o 9 'e majo 1738, avette chiste figlie:
- SAR Maria Isabella Antunietta (1740-1742)
- SAR Maria Giuseppina (1742)
- SAR Maria Isabella (1743-1749)
- SAR Maria Giuseppina, Infanta 'e Spagna (1744-1801)
- SMI Maria Luisa, mugliera 'e Pietro Liopoldo d'Asburgo-Lurena 'mperatore d'ô Sacro Rummano Impero (1745-1792)
- SAR Filippo (1747-1777)
- SM Carlo Antonio 'e Spagna (1748-1819)
- SAR Maria Teresa (1749-1750)
- SM Ferdinando, rre 'e Napule e rre 'e Sicilia e po' rre d'ô Regno d'ê Ddoje Sicilie (1751-1825)
- SAR Gabriele, Infante 'e Spagna (1752-1788)
- SAR Maria Anna (1754-1755)
- SAR Antonio Pasquale, Infante 'e Spagna (1755-1817)
- SAR Francesco Saviero (1757-1771).
![](http://upload.wikimedia.org/wikipedia/commons/thumb/0/0e/Painting_of_the_family_of_Ferdinando_IV_%28Angelica_Kauffmann%2C_1782%29.jpg/220px-Painting_of_the_family_of_Ferdinando_IV_%28Angelica_Kauffmann%2C_1782%29.jpg)
'O secunno rre d'â denastia fuje Ferdinando. Chesto a ll'accumenzaglia avette 'o titulo 'e rre 'e Napule e rre 'e Sicilia e po', cu' ll'envasione 'e Napule pe' mmano d'ê ffrangise ca lla guvernajeno, cu' varie 'nterrizziune, cu' Giuseppe Bonaparte primma e Gioacchino Murat aroppo nfin'ô 1815, devenette primmo rre d'ô regno aunifecato d'ê Ddoje Sicilie. Se spusaje 'int'ô 1768 cu' Maria Carulina d'Austria e avette chiste figlie:
- SMI Maria Teresa (1772-1807), mugliera d'ô primmo 'mperatore 'e ll'Austria Francesco I
- SAR Luisa (1773-1803), mugliera d'ô granduca Ferdinando III 'e Tuscana
- SM Francesco rre d'ê Ddoje Sicilie (1777-1830)
- SM Maria Cristina (1779-1849), mugliera d'ô rre Carlo Felice I 'e Zardegna
- SM Maria Amelia (1782-1865), mugliera d'ô rre Luigge Filippo I 'e Franza
- SM Maria Antonia (1784-1806), mugliera d'ô rre Ferdinando VII 'e Spagna
- SAR Liopoldo (1790-1851).
Fuje 'o secunno rre d'ê Ddoje Sicilie arropp'ô pate da 'o 1825 'nfino 'a morte suja (1830), pure se asercetaje 'o putere riale già da 'o 1812 c'â nommena 'e reggente d'ô Regno. Accasato cu' Maria Clementina d'Asburgo-Lurena, avette chiste figlie:
Morta Maria Clementina (1801), s'accasaje cu ll'infanta Maria Isabella 'e Spagna. Avetteno dodece figlie:
![](http://upload.wikimedia.org/wikipedia/commons/thumb/6/6f/Giuseppe_Cammarano_-_La_reale_famiglia_di_Francesco_I.jpg/220px-Giuseppe_Cammarano_-_La_reale_famiglia_di_Francesco_I.jpg)
- SAR Luisa Carlotta (1804-1844)
- SAR Maria Cristina (1806-1878), mugliera d'ô rre Ferdinando VII 'e Spagna
- SM Ferdinando rre d'ê Ddoje Sicilie (1810-1859
- SAR Carlo (1811-1862)
- SAR Liopoldo (1813-1860)
- SM Antunietta (1814-1894), mugliera d'ô granduca Liopoldo II 'e Tuscana
- SAR Antonio (1816-1843)
- SAR Maria Amalia (1818-1857)
- SAR Maria Carolina (1820-1861)
- SMI Teresa (1822-1889), mugliera 'e ll'imperatore Pietro II d''o Brasile
- SAR Luigge (1824-1897)
- SAR Francesco (1827-1892)
![](http://upload.wikimedia.org/wikipedia/commons/thumb/9/9a/F._Martorelli_-_Ritratto_di_Ferdinando_II.jpg/220px-F._Martorelli_-_Ritratto_di_Ferdinando_II.jpg)
Fuje rre d'ê Ddoje Sicilie d'â morte d'ô pate (1830) nfino â morte suja. Spuasaje 'int'ô 1832 Maria Cristina 'e Savoia, avenno nu sulo figlio:
'A morte 'e Maria Cristina se accasaje 'int'ô 1837 cu' Maria Teresa d'Asburgo-Teschen. Avetteno chiste figlie:
- SAR Luigge (1838-1886)
- SAR Alberto (1839-1841)
- SAR Alfunso(1841-1934)
- SAR Maria Annunziata (1843-1871)
- SAR Maria Immacolata (1844-1899)
- SAR Gaitano (1846-1871)
- SAR Giuseppe (1848-1851)
- SAR Maria Pia (1849-1882)
- SAR Vincenzo (1851-1854)
- SAR Pasquale (1852-1904)
- SAR Maria Immacolata (1855-1874)
- SAR Gennaro (1857-1867)
Fuje ll'urtemo rre d'ê Ddoje Sicilie d'â morte d'ô pate (1859) nfino 'o 1861 quanno fuje deciarrato decaduto 'o Regno d''e Ddoje Sicilie a seguito 'e ll'envasione 'e Giuseppe Garibaldi e 'a pruclammazzione d'ô Regno d'Italia.
Sposaje 'ncap'ô 1859 Maria Sofia 'e Baviera e da chesta avette schitto na figlia: