Stúrias
L Percipado de las Stúrias[1] (an sturiano: Principáu d'Asturies, an galhego-sturiano: Principao d'Asturias, i an spanhol: Principado de Asturias) ye ua quemunidade outónoma i porbíncia de Spanha, que queda ne l noroeste de la Península Eibérica, a norte cul mar Cantábrico, a oeste cula Galízia, a leste cula Cantábria, i al sul cun Castielha i Lhion.
Recibe l nome de percipado por rezones stóricas, yá que l hardeiro de la corona de Spanha ten l títalo de nobreza de «Príncepe de las Stúrias».
Stúrias ten ua populacion de 1 081 487 habitantes, i acupa ua ária total de 10.603,57 km², debedida de forma admenistratiba an 78 cunceilhos.[2] La sue capital ye la cidade de Uviéu, mentes que Xixón ye l cunceilho más poblado. Ls outros cunceilhos cun grandes pobaçones son Avilés, Siero, Mieres i Llangréu.
D'acuordo cul sou Statuto de Outonomie, Stúrias ye cunsidrada ua quemunidade stórica ne l sou artigo 1. Ten un uorgano d'outogobierno d'ourige mediabal chamado de Junta General, que fui fundado ne l anho de 1388, cumo cunsequéncia de la sue trasformaçon an percipado por orde de Juan I de Castielha. Tamien ten dues lhénguas própias, l sturiano i l galhego-sturiano, que nó son cunsidradas oufeciales, mas ténen l statuto jurídico de porteçon. L spanhol ye la sue única léngua oufecial. La parte mais oucidental de la quemunidade, coincida cumo Tierra de l Navia-Eo, tamien fala galhego.
Galarie
[eiditar | eiditar código-fuonte]-
Bandeira. -
Brason. -
Hino.
.svg)
Refréncias
- ↑ Amadeu Ferreira i José Pedro Cardona Ferreira. «Stúrias». Dicionairo de Mirandés-Pertués (an pertués i mirandés). Cunsultado an 19 de febreiro de 2018
- ↑ «Asturias: Población por municipios y sexo.» (an spanhol). Anstituto Nacional de Statística de Spanha. Cunsultado an 11 de dezembre de 2017
Lhigaçones sternas
[eiditar | eiditar código-fuonte]- Sítio oufecial de l gobierno de l Percipado de las Stúrias Arquibado an 2020-12-11 ne l Wayback Machine. (an sturiano i spanhol)