Segunda
La segunda-feira ye l 1° die útele cunsidrado l purmeiro die de la sumana, seguindo l demingo i precedendo la terça-feira.
1° die | 2° die | 3° die | 4° die | 5° die | 6° die | radadeiro die |
Demingo | Segunda-feira | Terça-feira | Quarta-feira | Quinta-feira | Sesta-feira | Sábado |
Por ourdenaçon de trabalho, lazer i pula norma ISO[1], la segunda-feira ye cunsidrada l purmeiro die de la sumana, sendo assi na maiorie de ls calendairos an to l mundo.[2]
1° die | 2° die | 3° die | 4° die | 5° die | 6° die | radadeiro die |
Segunda-feira | Terça-feira | Quarta-feira | Quinta-feira | Sesta-feira | Sábado | Demingo |
La palabra ye ouriginária de l latin Secunda Ferie, que senefica "segunda feira", i de mesma acepçon eisiste an galego (segunda feira)[3], pertués (segunda-feira) i tétun (loron-segunda).
Pobos pagones antigos reberenciában sous diuses dedicando este die al astro Luna, l qu'ouriginou outras chamaçones, an espanhol diç-se luns' ', ne l eitaliano lunedì, an francés lundi, an anglés Monday i an alman Montag, culs seneficados de "Luna" i "die de la Luna".
Na cultura popular, ye cunsidrado l die mais "aborrecido" de la sumana pus ye l purmeiro die de trabalho passado l fin de sumana.
Ourige de ls nomes de ls dies de la sumana
[eiditar | eiditar código-fuonte]![](http://upload.wikimedia.org/wikipedia/commons/thumb/7/73/Lapide_epigrafica_visigotica.jpg/400px-Lapide_epigrafica_visigotica.jpg)
![](http://upload.wikimedia.org/wikipedia/commons/thumb/3/3a/Magnifying_glass_01.svg/17px-Magnifying_glass_01.svg.png)
Ls nomes de ls dies de la sumana an pertués ténen la sue ourige na liturgie católica. Na maior parte de las outras lénguas románicas, la sue ourige son nomes de diuses pagones romanos als quales ls dies éran dedicados, neste causo la segunda-feira era dedicada la debindade romana Diana (essa por sue beç anspirada na diusa griega Ártemis). Este tamien ye l causo de muitas lénguas germánicas, cumo l anglés, sendo que neste causo houbo simples anterpretaçones germánicas de l seneficado de l termo an latin "Lunae dies" ("die de la Luna"). An alguns causos, ls nomes "eclesiásticos" son ousados, ua tradiçon de numerar ls dies de la sumana para eibitar la conotaçon "pagana" de ls nomes planetairos, an que segunda-feira ye l "segundo die" (an griego Δευτέρα μμέρα; an latin Ferie secunda). An muitos lénguas slabos, cumo l russo l nome de l die se traduç an "depuis de l demingo".
Japoneses i coreanos cumpartilhan ls mesmos antigos carateres chineses '月曜日' (Hiragana: げ つ よ う び, trasliterado: Getsuyoubi, Hangul: 월요일) para segunda-feira que senefica "die de la luna". Ls chineses parécen tener adotado la sumana de siete dies de l sistema heilenístico ne l seclo IV, ambora por qual camino nun steia totalmente claro. Fui outra beç trasmitida a la China ne l seclo VIII puls maniqueus, atrabeç de l paíç de Kang (ua ourganizaçon política de la Ásia Central acerca de Samarcanda)[4]. Na China, passado la queda de la Dinastie Qing i la proclamaçon de la República de la China an 1911, de segunda la sábado passórun a ser nomeados amplicitamente por númaros. La trasliteraçon chinesa de l sistema planetairo heilenistico fui lougo trazida pa l Japon pul monge japonés Kobo Daishi; Ls diairos subrebibentes de l stadista japonés Fujiwara Michinaga mostran l sistema de siete dies an uso ne l Período Heian de l Japon zde l'anho de 1007.
Acuordo Ourtográfico
[eiditar | eiditar código-fuonte]L acuordo ourtográfico defenitibo i oubrigatório de 2016 afirma que ls dies de la sumana debiran ser scritos cun letra minúscula i nun cun letra maiúscula, cumo ocorre an todas las lénguas neo-latinas. Cumo segunda-feira ye ua palabra cumpuosta por justaposiçon de palabras sin eilemientos de ligaçon i cujos eilemientos forman ua ounidade cun seneficado própio, mantén-se l'hífen nessa palabra.
Segunda-feira an outros lénguas
[eiditar | eiditar código-fuonte]Léngua | Nome | Seneficado |
Spanhol | 'Lunes' | Luna |
Romeno | Luni | |
Galego | Luns | |
Russo | Понедельник | [die] passado l demingo |
Catalan | Dilluns | Die de la Luna |
Alman | Montag | |
Houlandés | Maandag | |
Anglés | Monday | |
Dinamarqués | Mandag | |
Dousha | Yuuna | |
Speranto | Lundo | |
Latin clássico | Dies lunae | |
Noruegués | Mandag | |
Sueco | Måndag | |
Francés | Lundi | |
Eitaliano | Lunedì | |
Finlandés | Maanantai | |
Japonés | 月曜日 (Getsuyōbi) | |
Chinés | 星期一 (xīng qī yī) | Un de la sumana |
Basco | Astelehen | Purmeiro de la sumana |
Griego moderno | Δευτέρα | Segunda [de la sumana] |
Persa | دوشنبه dochanbe | Segundo die [de la sumana] |
Refréncias
- ↑ Norma ISO 8601
- ↑ Geonames/The days of the wek in barious languages
- ↑ l?nounTitle=luns Rial Academie Galega[lhigaçon einatiba]
- ↑ L'anciclopédia chinesa Cihai (辞海) sob l'antrada para "calendairo de siete luminárias" (七曜历/七曜曆, qī yào lì) ten: "método de registrar dies d'acuordo culs siete luminares [七曜 qī yào]. La China normalmente ouserbaba la seguinte orde: Sol, Luna, Marte, Mercúrio, Júpiter, Bénus i Saturno. siete dies fázen ua sumana, que ye repetida nun ciclo. Ouriginado na antiga Babilónia (ó antigo Eigito d'acuordo cun ua teorie). Ousado puls romanos na época de l seclo I dC, depuis trasmitido para outros países. Este método eisistiu na China ne l seclo IV. Tamien fui trasmitido pa la China por maniqueus ne l seclo 8 de l paíç de Kang (康) na Ásia Central" (traduçon a partir de .com/Dow/dowjpn.html Vathrobe's Days of the Wek in Chinese, Japanese & Bietnamese, plus Mongolian and Buryat[lhigaçon einatiba] (cjblang .com)