Patrice Evra
![]() Patrice Evra ma' Franza fl-Euro 2012 | |||
Informazzjoni personali | |||
---|---|---|---|
Isem sħiħ | Patrice Evra | ||
Twelid | 15 ta' Mejju 1981 Dakar, Senegal | ||
Tul | 1.74 m | ||
Rwol | Difensur xellugi | ||
Mixtliet | |||
1992–1993 | CO Les Ulis | ||
1993–1997 | CSF Brétigny | ||
1997–1998 | Paris Saint-Germain | ||
Karriera professjonali | |||
Snin | Klabb | ||
1998–1999 | Marsala | ||
1999–2000 | Monza | ||
2000–2002 | Nice | ||
2002–2006 | AS Monaco | ||
2006–2014 | Manchester United | ||
2014–2017 | Juventus | ||
2017 | Marseille | ||
Tim nazzjonali | |||
2004–2016 | Franza |
Patrice Evra (twieled fil-15 ta' Mejju 1991) huwa eks-plejer tal-futbol Franċiż.
Tifel ta' diplomat, Evra wasal fl-Ewropa fi Brussell mis-Senegal meta kellu sitt snin. Hu kien jgħix f'Les Ulis, Esonne, fi Franza fejn għex ma' familtu bejn l-1984 u l-1998 qabel ma kiseb l-ewwel opportunitajiet tal-futbol mat-tim Sqalli ta' Marsala. Hu kien jilgħab fl-ewwel snin mal-plejer famuż Thierry Henry, fejn huma jikkunsidraw lilhom infushom bħala ħbieb tat-tfulija.
Karriera
[immodifika | immodifika s-sors]Bidu tal-karriera
[immodifika | immodifika s-sors]Matul iż-żgħożija tiegħu, Evra beda l-karriera tiegħu bħala attakkant fil-mixtla ta' Paris Saint-Germain. Minkejja li qatt ma rċieva kuntratt professjonali, hu ġie fl-attenzjoni ta' tim Taljan żgħir ta' Marsala, fejn hemmhekk irċieva kuntratt mal-klabb. B'total ta' 27 apparenza mat-tim, Evra skorja 6 gowls. L-istaġun ta' wara hu sab lilu nnifsu mat-tim ta' Monza fis-Serie B, imma għamel biss 3 apparenzi.
Nice
[immodifika | immodifika s-sors]Evra irritorna Franza ma' OGC Nice fil-Ligue 2. Fl-ewwel partiti hu lagħab bħala attakkant ċentrali. Minħabba plejers nieqsa fil-klabb, hu ntlagħab fil-pożizzjoni xellugija tad-difiża fil-logħba kontra Stade Lavallois. Il-partiti li segwew wara, il-kowċ Sandro Salvioni uża' lil Evra fid-difiża. Matul il-kumplament tal-istaġun, Salvioni baqa' jalterna lil Evra bejn iż-żewġ pożizzjonijiet. Evra ġie magħżul bħala l-aqwa difensur xellugi ta' Ligue 2.
Monaco
[immodifika | immodifika s-sors]AS Monaco kienu impressjonati bil-ħiliet difensivi ta' Evra, u b'hekk huma xtrawh minn Nice għal somma indiskussa mill-kowċ Didier Deschamps. Hu sar mal-ewwel plejer regulari fid-difiża flimkien ma' Lucas Bernardi, Gaël Givet, u Julien Rodriguez. Fl-ewwel staġun mal-klabb, Monaco laħqu l-finali tal-UEFA Champions League, però tilfu 3–0 kontra FC Porto. Il-prestazzjonijiet tiegħu tawh sejħa mat-tim nazzjonali Franċiż.
Fl-2005, Evra kien imsejjaħ biex ikun kaptan għal diversi okkażżjonijiet. Monaco batew fl-istaġun li segwa fejn kienu eliminati fil-fażi ta' kwalifikazzjoni tal-UEFA Champions League 2005–06 u kienu viċin l-aħħar postijiet ta' Ligue 1 għall-biċċa l-kbira tal-istaġun.
Manchester United
[immodifika | immodifika s-sors]![](http://upload.wikimedia.org/wikipedia/commons/thumb/c/cf/Patrice_Evra_2008.jpeg/150px-Patrice_Evra_2008.jpeg)
Evra iffirma kuntratt ta' 3 snin u nofs ma' United fl-10 ta' Jannar 2006, fejn ingħaqad għal somma ta' madwar £5.5 miljun minn AS Monaco.[1] Ftit jiem qabel kien għadu kemm iffirma mat-tim ta' Old Trafford, Nemanja Vidić. Il-wasla ta' Evra għenet lid-difiża ta' Sir Alex Ferguson li kienet sofriet wara li Gabriel Heinze kien barra mil-logħob.
Hu ddebutta għal Manchester United fl-14 ta' Jannar 2006 fit-telfa ta' 3–1 kontra Manchester City fil-Premier League. Hu għamel l-ewwel dehra f'Old Trafford kontra Liverpool fit-22 ta' Jannar 2006 f'rebħa ta' 1-0. Evra inizzjalment kellu problemi biex jadatta għal-logħba Ingliża, imma man-nofs tal-istaġun 2006–07 il-forma tiegħu tjiebet u stabbilixxa lilu nnifsu bħala plejer regulari mat-tim. Fid-29 ta' Novembru 2006, hu skorja l-ewwel gowl mal-klabb fil-partita tal-Premiership kontra Everton f'Old Trafford. Wara xi żmien barra mill-iskwadra, Evra irritorna mat-tim fl-10 ta' April 2007 fil-partita taċ-Champions League kontra AS Roma, fejn ikkontribwixxa għal rebħa kbira ta' 7–1. Minħabba l-prestazzjoni solida fl-istaġun 2006–07, hu kien magħżul fost it-Tim tas-Sena tal-PFA.
Matul l-istaġun 2007–08, Evra sar figura importanti fid-difiża ta' Manchester United. Minkejja li għamel 46 apparenza fil-kompetizzjonijiet kollha, l-akbar numru fil-karriera, hu ma rnexxielux jiskorja gowl. United kisbu t-tieni titlu konsekuttiv tal-Premier League fl-aħħar ġurnata tal-kampjonat. Hu għamel 10 apparenzi għal United fiċ-Champions League, fosthom preżenza fil-finali mirbuħa minn United kontra Chelsea. Fit-12 ta' Ġunju 2008, Evra iffirma estinzjoni tal-kuntratt għal erba' snin, fejn b'hekk se jżommu f'Old Trafford sal-2012.[2]
Nhar il-5 ta' Diċembru 2008, Evra ingħata sospensjoni ta' erba' logħbiet — li kellha tibda mit-22 ta' Diċembru — flimkien ma' multa ta' £15,000 wara li nstab ħati ta' kondotta mhux xierqa mill-Football Association. Din il-multa ngħatat minħabba disgwit li qam wara l-partita kontra Chelsea ta' nhar is-26 ta' April 2008.[3]
Internazzjonali
[immodifika | immodifika s-sors]Fil-Kampjonati Ewropej 2008 Evra ma pparteċipax fl-ewwel partita tat-tim Franċiż kontra r-Rumanija fejn akkomoda lill-plejer ta' Barcelona Eric Adibal. Fit-tieni partita kontra l-Olanda, wara pari deludanti ta' 0–0 kontra r-Rumanija, Franza tilfu bl-iskor ta' 4–1 f'konfront emozzjonanti. L-aħħar logħba tal-grupp kienet kontra l-Italja. Franza tilfu 2–0 u sfaw eliminati fil-fażi tal-gruppi.
Unuri
[immodifika | immodifika s-sors]Klabb
[immodifika | immodifika s-sors]- AS Monaco
- Coupe de la Ligue: 2002–03
- Manchester United
- FA Premier League: 2006–07, 2007–08, 2008–09, 2010–11, 2012–13
- League Cup: 2005–06, 2008–09, 2009–10
- Community Shield: 2007, 2008, 2010, 2011, 2013
- UEFA Champions League: 2007–08
- Tazza tad-Dinja tal-Futbol tal-Klabbs: 2008
- Juventus
- Serie A: 2014–15, 2015–16
- Coppa Italia: 2014–15, 2015–16
- Supercoppa Italiana: 2015
Referenzi
[immodifika | immodifika s-sors]- ^ "Evra completes Man Utd transfer" (bl-Ingliż). BBC Sport. 2006-01-10. Miġbur 2008-05-16.
- ^ "Evra puts pen to paper" (bl-Ingliż). Manchester United. 2008-07-12. Miġbur 2008-07-12.
- ^ "Evra banned and fined by FA" (bl-Ingliż). Sky Sports. 2008-12-05. Miġbur 2008-12-05.
Ħoloq esterni
[immodifika | immodifika s-sors]- Patrice Evra fuq Soccerbase