Иван Шопов
| Иван Шопов | |
|---|---|
| Занимање | писател |
| Националност | Македонец |
| Државјанство | македонско |
| Образование | Филозофски факултет Универзитет „Св. Кирил и Методиј“ |
Иван Шопов (25 јули 1987, Скопје, Македонија) — македонски писател.
Животопис
[уреди | уреди извор]Иван Шопов дипломирал на Катедрата на општа и компаративна книжевност на Филолошкиот факултет „Блаже Конески“ при Универзитетот Св. Кирил и Методиј[1] во Скопје. Заедно со Владимир Лукаш, во 2019 го основал мобилниот културен центар „КЦ 750“. Шопов работел како уредник во издавачката куќа Темплум од Скопје. Тој е сопруг на писателката Николина Андова Шопова.
Творештво
[уреди | уреди извор]Иван Шопов пишува проза, поезија и хаику. Расказите и песните му се преведени на англиски, романски, чешки, српски, хрватски, германски, словенечки и бугарски јазик. За книгата Азбука и залутани записи ја добил првата награда на конкурсот „Новите!“ во 2010 година. Неговите раскази и песни се објавени во неколку списанија. Три негови кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).[2]
Библиографија
[уреди | уреди извор]Шопов е автор на следниве дела:[3]
- Азбука и залутани записи[4], раскази, 2010 година;
- Меше на годината, песни во проза, Темплум, 2012 година;
- 091 – антиразгледници од Скопје, раскази, 2018 година;
- Хрониките на Арслан Новинарски, сатирични текстови, 2018 година;
- Осум наративни прошетки со фиќо или што научив за пишувањето од Застава 750, мини-книга, 2019;
- Скопје: изгубените чевли на градот, раскази, 2020 година.
Наводи
[уреди | уреди извор]- ↑ https://www.novamakedonija.com.mk/zivot/od-drug-agol//[мртва врска]
- ↑ Никола Гелевски и Владимир Мартиновски (приредувачи), Џинџуџе во земјата на афионите: антологија на македонскиот краток расказ. Скопје: Темплум, 2022, стр. 325-328.
- ↑ Никола Гелевски и Владимир Мартиновски (приредувачи), Џинџуџе во земјата на афионите: антологија на македонскиот краток расказ. Скопје: Темплум, 2022, стр. 367.
- ↑ https://okno.mk/sites/default/files/068-ivan-sopov-azbuka-i-zalutani-zapisi_0.pdf