Антон Дрекслер
| Антон Дрекслер | |
|---|---|
| |
| Претседател на ДАП | |
| На должноста 1919–1921 | |
| Претходник | Карл Харер |
| Наследник | Адолф Хитлер |
| Лични податоци | |
| Роден(а) | 13 јуни 1884 Минхен, Кралство Баварија
|
| Починал(а) | 24 февруари 1942 (возр. 57) Германија
|
| Националност | Германец |
| Партија | ДАП |
| Занимање | политичар |
Антон Дрекслер (герм. Anton Drexler; 13 јуни 1884 - 24 февруари 1942) бил германски нацистички политички водач од дваесеттите години на XX век.
Животопис
[уреди | уреди извор]Роден во Минхен, Дрекслер работел како механичар во берлинската железница од 1902. Се приклучил на Татковинската партија за време на Првата светска војна. Бил поет и член на народните агитатори, кој, заедно со новинарот Карл Харер, ја основал Германската работничка партија (ДАП) во Минхен со Готфрид Федер и Дитрих Екарт во 1919 година.
На партиски собир во септември 1919, во Минхен, говорел Готфрид Федер. Кога завршил со говорот, некој од публиката, непознат за историјата, предложил Баварија да се одвои од Прусија и заедно со Австрија да формира посебна нација. Адолф Хитлер се кренал од публиката за да возврати. Потоа Дрекслер му пришол и му подал книгичка насловена „Моето политичко будење“. Според Хитлеровите записи во „Мојата борба“ (Mein Kampf), во книгичката пишувало многу од неговите погледи. Подоцна истиот ден примил поштенска картичка на којашто пишувало дека бил примен за член во тогашната Германска работничка партија. По некое размислување, одлучил да прифати.
По наредба на Адолф Хитлер, Дрекслер го сменил името на партијата во Националсоцијалистичка германска работничка партија (Nationalsozialistische Deutsche Arbeiterpartei, NSDAP; НСДАП) во почетокот 1920 година.
Во 1921, Хитлер, чии организациски и говорнички способности биле без конкуренција, бргу станал единствениот неприкосновен водач на партијата. Летото таа година отпатувал до Берлин за да организира собир на германските националисти од северна Германија. Додека бил на пат, другите членови од партискиот комитет, водени од Дрекслер, одлучиле да го обвинат Хитлер за барање моќ само за себе без обѕир за другите. Хитлер интервенирал и го натерал Дрекслер да се откаже од неговата позиција на еден партиски состанок. Потоа бил преместен на чисто симболичката позиција почесен претседател, и ја напуштил партијата во 1923.
Поврзано
[уреди | уреди извор]| Претходник Карл Харер |
Претседател на ДАП 1919–1921 |
Наследник Адолф Хитлер |
|